حالىقارالىق سوت يزرايلگە رافاحقا شابۋىلىن توقتاتۋدى بۇيىردى

Газа
Фото: bbc.com

استانا. KAZINFORM - سوت پالەستينا حالقىنا ءتونىپ تۇرعان قاۋىپتى ەسكەرتە وتىرىپ، ءيزرايلدىڭ رافاحتاعى اسكەري شابۋىلى مەن باسقا ارەكەتتەرىن دەرەۋ توقتاتۋى كەرەكتىگىن ايتتى، دەپ جازادى BBC.

سۋديا سالام حالىقارالىق سوت يزرايلگە رافاحتاعى شابۋىلىن توقتاتۋدى بۇيىرعانىن مالىمدەدى، ويتكەنى قازىرگى جاعداي گازالىقتاردىڭ قۇقىقتارىنا ورنى تولماس زيان كەلتىرۋ قاۋپىن تۋدىرادى.

ول حالىقارالىق سوت بۇرىنعى شەشىمدەرىن شىعارعاننان كەيىن جاعداي وزگەرگەنىن جانە ءىس بويىنشا جاڭا توتەنشە شارالاردىڭ شارتتارى ورىندالعانىن ايتتى.

حالىقارالىق سوت ءيزرايلدى ءبىر اي ىشىندە سوتقا بۇگىن بۇيىرىلعان شارالاردىڭ ورىندالۋ بارىسى تۋرالى ەسەپ بەرۋدى بۇيىردى.

«سوت كەپىلگە الىنعانداردىڭ تاعدىرىنا قاتتى الاڭداۋشىلىق بىلدىرەدى جانە ولاردى دەرەۋ بوساتۋعا شاقىرادى. ءبىز ولاردىڭ كوپشىلىگىنىڭ ءالى دە تۇتقىندا جاتقانىنا قاتتى الاڭدايمىز»، - دەپ قوستى ول.

ب ۇ ۇ حالىقارالىق سوتى يزرايلگە كەلەسى مىندەتتەمەلەردى بۇيىردى:

رافاحتاعى اسكەري وپەراتسيانى توقتاتۋ

گۋمانيتارلىق كومەكتىڭ كوپتەپ كەلۋىنە مۇمكىندىك بەرۋ ءۇشىن مىسىرمەن شەكاراداعى رافاح وتكەلىن اشۋ

دەرەكتەردى انىقتاۋ ءۇشىن تەرگەۋشىلەر مەن ميسسيالاردىڭ گازاعا كىرۋىن قامتاماسىز ەتۋ

وسى شارالاردىڭ قولدانىلۋ بارىسى تۋرالى سوتقا ءبىر اي مەرزىمدە حابارلاۋ.

سوڭعى جاڭالىقتار