حالىقارالىق ەڭبەك ۇيىمىنىڭ وكىلدەرى قازاقستاندا كەلىسسوز وتكىزەدى

ту
Фото: ҚР СІМ

 استانا. قازاقپارات - 2024 -جىلعى 15-18-مامىر ارالىعىندا حالىقارالىق ەڭبەك ۇيىمى باس ديرەكتورىنىڭ كومەكشىسى - ەۋروپا جانە ورتالىق ازيا بويىنشا وڭىرلىك ديرەكتورى بەات اندرەستىڭ استاناعا جۇمىس ساپارى وتەدى.

ساپاردىڭ ماقساتى - ۇيىممەن ىنتىماقتاستىقتى تەرەڭدەتۋ ماسەلەلەرى، ونىڭ ىشىندە ۇيىم ساراپشىلارىنا تەحنيكالىق كومەك كورسەتۋ، سونداي- اق قازاقستاننىڭ الەۋمەتتىك ادىلەتتىلىك جونىندەگى جاھاندىق كواليتسياعا قوسىلۋى ماسەلەلەرىن تالقىلاۋ.

«وڭىرلىك ديرەكتوردىڭ ساپارى بارىسىندا قازاقستان رەسپۋبليكاسى پرەمەر- ءمينيسترىنىڭ ورىنباسارى تامارا دۇيسەنوۆامەن، ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆامەن، سىرتقى ىستەر ءمينيسترىنىڭ ءبىرىنشى ورىنباسارى قايرات وماروۆپەن، سونداي- اق «پارىز» ۇلتتىق جۇمىس بەرۋشىلەر كونفەدەراتسياسى جانە قازاقستان كاسىپوداقتار فەدەراتسياسى وكىلدەرىمەن كەزدەسەدى دەپ جوسپارلانعان»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىكتە وتكەن اپتالىق باسپا ءسوز ءماسليحاتىندا.

سوڭعى جاڭالىقتار