حالىقارالىق اۆتوشەرۋ اتىراۋ وبلىسىنا كەلدى
اتىراۋ. KAZINFORM - اتىراۋ وبلىسىنا ت م د اتقارۋشى كوميتەتىمەن قازاقستان رەسپۋبليكاسى كولىك مينيسترلىگىنىڭ اۆتوموبيل جولدارى كوميتەتىنىڭ قولداۋىمەن ۇيىمداستىرىلعان جولشىلاردىڭ ۇكىمەتارالىق كەڭەسىنىڭ VII حالىقارالىق اۆتوشەرۋى كەلدى.
ءىس-شارا بەلسەندى تاجىريبە الماسۋ جانە كولىك ينفراقۇرىلىمىن دامىتۋ ماسەلەلەرىن تالقىلاۋالاڭىنا اينالدى. اۋقىمدى ءىس-شارانى ت م د اتقارۋشى كوميتەتىنىڭ، قازاقستان، رەسەي جانە وزبەكستاننىڭ بەيىندى ۆەدومستۆولارىنىڭ قولداۋىمەن جولشىلاردىڭ ۇكىمەتارالىق كەڭەسى ۇيىمداستىردى.
ۇيىمداستىرۋشىلار حالىقارالىق اۆتوشەرۋدى وتكىزۋ قاتىسۋشى مەملەكەتتەر ۇكىمەتتەرىنىڭ، حالىقارالىق ۇيىمداردىڭ، قارجى ينستيتۋتتارى مەن بيزنەس- قوعامداستىقتاردىڭ نازارىن حالىقارالىق اۆتوموبيل جولدارىن، «سولتۇستىك- وڭتۇستىك»، «باتىس- شىعىس» كولىك دالىزدەرىن دامىتۋ جانە ولار بويىنشا تاسىمالداۋ ماسەلەلەرىنە، سونداي-اق مەملەكەتتىك شەكارالار مەن كەدەندىك راسىمدەردى كەسىپ ءوتۋ ماسەلەلەرىنە اۋدارادى دەپ ەسەپتەيدى.
جالپى VII حالىقارالىق اۆتوشەرۋ رەسەيدىڭ ءبىرقاتار قالاسىن باسىپ ءوتىپ، بۇدان ءارى وزبەكستان رەسپۋبليكاسىنا باعىتتالادى.