حالىق قۇقىق قورعاۋ ورگاندارى مەن سوت جۇيەسىنە سەنە مە - زەرتتەۋ

استانا. KAZINFORM - ۇلتتىق ستاتيستيكا بيۋروسى حالىقتىڭ قۇقىق قورعاۋ ورگاندارىنا جانە سوت جۇيەسىنە سەنىمدىلىك دەڭگەيىن زەرتتەگەن.

زەرتتەۋ 2024 -جىلدىڭ ءساۋىر- مامىر ايلارىندا رەسپۋبليكانىڭ بارلىق وڭىرىندە قالالىق جانە اۋىلدىق جەرلەردە جۇرگىزىلگەن.

زەرتتەۋ ناتيجەلەرى بويىنشا 64 پايىز سۇرالعانداردىڭ وزدەرى تۇراتىن اۋداندا ءوزىن تولىق قاۋىپسىز سەزىنەدى، 29,4 پايىزى جەتكىلىكتى قاۋىپسىز، 5,4 پايىز قاۋىپسىز ەمەس، 0,6 پايىزى مۇلدەم قاۋىپسىز ەمەس جانە 0,6 پايىزى جاۋاپ بەرۋگە قينالعان.

رەسپوندەنتتەردىڭ جاۋاپتارىنا سايكەس، قاۋىپسىزدىكتىڭ نەگىزگى سەبەپتەرى جارىقتاندىرۋدىڭ بولماۋى نەمەسە جەتكىلىكسىزدىگى - 26,7 پايىز، جالعىز شىعۋدان قورقۋ - 19,1 پايىز جانە قاۋىپسىزدىكتىڭ تومەن دەڭگەيى - 19,1 پايىزدى قۇراپ وتىر.

ءار قۇزىرلى ورگانعا جەكە توقتالساق، زەرتتەۋ قورىتىندىسى بويىنشا پروكۋراتۋراعا سەنەتىن ادامداردىڭ ۇلەسى 66 پايىز. ونىڭ اراسىندا ءىشىنارا سەنەتىندەر- 24,1 پايىز، سەنبەيتىن سياقتىلار - 3,0 پايىز، سەنبەيتىندەر - 2,3 پايىز. جاۋاپ بەرۋگە قينالعاندار ۇلەسى 4,6 پايىزدى قۇرادى.

پوليتسيا ورگاندارىنا سەنەتىندەر ۇلەسى 61,6 پايىز. اتاپ ايتقاندا، ءىشىنارا سەنەتىندەر - 27 پايىز، كەرىسىنشە سەنبەيتىندەر - 4,4 پايىز، سەنبەيتىندەر - 4,6 پايىز. جاۋاپ بەرۋگە قينالعاندار ۇلەسى 2,5 پايىزدى قۇرادى.

سىبايلاس جەمقورلىققا قارسى قىزمەتكە سەنەتىن رەسپوندەنتتەر ۇلەسى 50,9 پايىز قۇرادى، ءىشىنارا سەنەتىندەر - 28,7 پايىز، سەنبەيتىن سياقتى ادامدار - 4,9 پايىز، سەنبەيتىندەر - 4,1 پايىز. جاۋاپ بەرۋگە قينالعان رەسپوندەنتتەر ۇلەسى 11,4 پايىزدى قۇرادى.

سوت جۇيەسىنە سەنەتىندەر ۇلەسىن 61,8 پايىز قۇرادى، ءىشىنارا سەنەتىندەر - 25,9 پايىز، سەنبەيتىن سياقتى ادامدار - 3,4 پايىز، سەنبەيتىندەر - 2,9 پايىز. جاۋاپ بەرۋگە قينالعاندار ۇلەسى 6 پايىزدى قۇرادى.

ەكونوميكالىق تەرگەۋ قىزمەتىنە سەنەتىندەر ۇلەسى 47,8 پايىز قاتىسۋشى سەنەتىن بولىپ شىقتى. اراسىندا ءىشىنارا سەنەتىندەر - 29 پايىز، سەنبەيتىن سياقتى ادامدار - 5,2 پايىز، سەنبەيتىندەر - 2,9 پايىز. رەسپوندەنتتەردىڭ 15 پايىزى جاۋاپ بەرۋگە قينالعان.

زەرتتەۋگە قاتىسقانداردىڭ 79,4 پايىزى ورتكە قارسى قىزمەتكە سەنەدى ەكەن. تارقاتا كەتسەك، ءىشىنارا سەنەتىندەر - 16,4 پايىز، سەنبەيتىن سياقتى ادامدار - 0,9 پايىز، سەنبەيتىندەر - 0,4 پايىز. جاۋاپ بەرۋگە قينالعان رەسپوندەنتتەر ۇلەسى 2,8 پايىزدى قۇرادى.

اۆتور

داۋلەت ىزتىلەۋ