«حالىق ءارتىسىن» العان ديماشپەن توي انشىلەرىن قاتار قويۋعا بولمايدى - روزا رىمبايەۆا

ءانشى، مەملەكەتتىك سىيلىقتىڭ يەگەرى، قازاقستاننىڭ حالىق ءارتىسى روزا رىمبايەۆا «جىبەك جولى» ارناسىنا بەرگەن سۇحباتىندا «حالىق ءارتىسى» اتاعىنا قاتىستى پىكىر ءبىلدىردى.

«ەڭ جوعارعى مەملەكەتتىك قۇرمەتتى اتاق - «قازاقستاننىڭ حالىق ءارتىسى» اتاعىنىڭ قايتا ورالعانىن دۇرىس دەگەن كوزقاراسپەن قابىلدادىم. سەبەبى ديماش قۇدايبەرگەندى، ءانشى- كومپوزيتور باتىرحان شۇكەنوۆتى ەل ىشىندەگى تويلاردا عانا جۇرگەن انشىلەرمەن قاتار قويۋعا، ارينە، بولمايدى. سوندىقتان وسىنداي جارىق، بيىك جۇلدىزدارىمىزعا «قازاقستاننىڭ حالىق ءارتىسى» اتاعى بەرىلۋ كەرەك دەپ سانايمىن»، دەدى ايگىلى ءانشى روزا قۋانىش قىزى.