حاكىم بۇيىمدارىنىڭ كوشىرمەسى
استانا.قازاقپارات - اتىراۋ وبلىستىق تاريحي-ولكەتانۋ مۋزەيىنىڭ قورىندا حاكىم ابايدىڭ ءۇش ىشەكتى دومبىراسى مەن توعىزقۇمالاق تاقتاسىنىڭ كوشىرمەسى ساقتاۋلى تۇر. توعىزقۇمالاق تاقتاسىن سالاتىن دورباسى بىلعارىدان تىگىلگەن ەكەن.
مۋزەي قىزمەتكەرلەرىنىڭ ايتۋىنشا، ەلىمىزدە ءۇش ىشەكتى دومبىرا سيرەك كەزدەسەدى. سوعان وراي بۇل اسپاپتىڭ وزىندىك ەرەكشەلىگى بار. ءبىرىنشىسى - ءۇش ىشەكتىڭ بۇراۋىن كەلتىرۋگە ارنالعان ءۇش قۇلاعى. ەكىنشىدەن، ۇلتتىق اسپاپتىڭ سوپاقشا شاناعىنا بالقاراعاي اعاشى قولدانىلىپتى. ۇشىنشىدەن، بەتكى قاقپاعى شىرشا اعاشىنان جاسالىپ، ءۇش تەسىك ويىلعان. جالپاقتاۋ جاسالعان مويىنى – 75*12 س م.
حاكىم تۇتىنعان توعىزقۇمالاق تاقتاسىنىڭ وزگەشە ەكەنى بايقالادى. كوشىرمە دەمەسەڭ، تاقتادا ءۇش بولىك بار. ءۇش بولەك دايىندالعان تاقتاي ءبىر-بىرىنە توپسامەن جالعانىپتى. ەكى شەتكى تاقتايدا 9 وتاۋ سالىنعان. ال ورتاڭعى تاقتايعا گۇلگە ۇقساس ەكى قازان ويىلىپتى.
توعىزقۇمالاق تاقتايىندا بىرنەشە ءتۇس بار. ونىڭ بەتىنە قوڭىر، ەكى قازاننىڭ بىرىنە كوك، ەكىنشىسىنە قىزعىلت قوڭىر ءتۇس پايدالانىلىپتى. وتاۋلار اق، كوك، سارعىش، قوڭىر تۇستەرمەن بويالىپتى.
«ءبارىمىزدىڭ پارىزىمىز - اباي مۇراسىن كەيىنگى بۋىنعا جەتكىزۋ. سول سەبەپتەن 2020-جىلى حاكىمنىڭ تۇتىنعان ءۇش ىشەكتى دومبىراسى مەن توعىزقۇمالاق تاقتاسىنىڭ كوشىرمەسى جاسالدى. ءۇش ىشەكتى دومبىرانى اقىن ءجيى تارتاتىن بولعان. ال توعىزقۇمالاقتى بىرنەشە كۇن قاتارىنان ويناعانى تۋرالى دەرەك بار. اقىننىڭ ۇلى اقىلباي دا ۇلتتىق اسپاپتى ءجيى تارتقان»، دەيدى مۋزەي قىزمەتكەرلەرى.
اتىراۋ وبلىسى
جولداسبەك كوشەرباي ۇلى
egemen.kz
