حاكەرلەر ۇلى بريتانيا قورعانىس مينيسترلىگىنىڭ بازاسىن بۇزدى

لوندون. KAZINFORM - حاكەرلەر بريتان قورعانىس مينيسترلىگى اسكەري قىزمەتكەرلەرىنىڭ جەكە مالىمەتتەرى ساقتالعان بازانى بۇزدى.

BBC تاراتقان بەيرەسمي اقپاراتقا سەنسەك، ۇكىمەت سەيسەنبىدە وسى وقيعا جايىندا پارلامەنت دەپۋتاتتارىنا حابارلايدى.

BBC دە حاكەرلىكتىڭ ارتىندا كىم تۇرعانى تۋرالى اقپارات جوق. Sky News حابارلاۋىنشا، ۇكىمەت بەلگىلى ءبىر ەلدى اتاماسا دا، بۇل حاكەرلەر قىتاي بيلىگىمەن بايلانىستى.

BBC مالىمەتىنشە، حاكەرلەر اسكەري قىزمەتكەرلەردىڭ جالاقىسى مەن بانك شوتىنىڭ ءنومىرى ساقتالاتىن جۇيەگە قول جەتكىزگەن.

اراسىندا كەيبىرىنىڭ ءۇيىنىڭ مەكەنجايىن ءبىلىپ العانى دا انىق.

مينيسترلىكتىڭ سىرتقى مەردىگەرى اينالىساتىن بۇزىلعان جۇيەدە ۇلى بريتانيانىڭ قازىرگى جانە بۇرىنعى ارميا، فلوت جانە اۋە كۇشتەرى قىزمەتكەرلەرىنىڭ سالىق قىزمەتىنە جىبەرىلگەن قۇجات تۇرىندەگى جەكە اقپاراتى بولعان.

سىرتقى مەردىگەردىڭ كومپيۋتەرلەرىن بۇزعاندىقتان حاكەرلەر قورعانىس مينيسترلىگىنىڭ جەدەل اقپاراتىن الا الماعان.

مينيسترلىك بۇل باسسىزدىقتى انىقتاعاننان كەيىن دەرەۋ شارا قابىلداپ، جۇيەنى سىرتقى قولجەتىمدىلىكتەن اجىراتقان.