قانات يسلام: GGG دەريەۆيانچەنكونى جەڭەدى دەپ ويلايمىن

الماتى. قازاقپارات - قازاقستاندىق كاسىبي بوكسشى قانات يسلام گەنناديي گولوۆكين مەن ۋكراينالىق سەرگەي دەريەۆيانچەنكو اراسىندا IBF جانە IBO نۇسقالارى بويىنشا ورتا سالماقتاعى الەم چەمپيونى تيتۋلى ءۇشىن وتەتىن جەكپە- جەكتەن نە كۇتەتىنىن ايتتى، دەپ حابارلايدى «قازاقپارات» ح ا ا ءتىلشىسى.

«مەن سەرگەي دەريەۆيانچەنكومەن رينگتە ەكى رەت كەزدەسكەنمىن. بىرىنشىسىندە جەڭىسكە جەتتىم، ودان كەيىن الماتىدا تورەشىلەردىڭ شەشىمىمەن جەڭىلدىم، الايدا ول مەنىكى ەدى. سەرگەي وتە مىقتى جانە جاقسى بوكسشى، دەگەنمەن گولوۆكيننىڭ دەڭگەيى جوعارىراق. سەرگەي قارسى تۇرۋعا تىرىسادى، الايدا وڭايعا سوقپاسا دا، GGG ونى الداي الادى. گولوۆكين جەڭىمپاز اتانادى دەپ ويلايمىن. وعان جەكپە- جەكتە تەك ساتتىلىك جەڭىس، قازاقستاننىڭ تۋىن تاعى دا ءبىر مارتە كوتەرۋىن تىلەيمىن» ، - دەدى سپورتشى.

كاسىپقويلار اراسىنداعى بۇرىنعى الەم چەمپيونى قازاقستاندىق گەنناديي گولوۆكين (39-1-1, 35 ك و) مەن ۋكراينالىق سەرگەي دەريەۆيانچەنكو (13-1, 10 ك و) اراسىنداعى ايقاس 5 - قازان كۇنى نيۋ- يوركتەگى Madison Square Garden ارەناسىندا وتەدى. قازاقستاندىقتار جەكپە- جەكتى 6 - قازان كۇنى تاڭەرتەڭ تىكەلەي ەفيردەن تاماشالاي الادى.

ال قانات يسلام (26-0, 21 ك و) كەزەكتى جەكپە- جەگىن 26 - قازان كۇنى الماتىداعى بالۋان شولاق اتىنداعى سپورت سارايىندا وتكىزەدى. ونىڭ قارسىلاسى ناميبيالىق ۋولتەر كاۋتوندوكۆا (18-1, 17 ك و) بولماق.

اۆتور: ەلامان تۇرىسبەكوۆ