فەيسبۋكتىڭ بۇرىنعى قىزمەتكەرى كومپانيادان 4 ميلليون دوللار ۇرلاپ، ونى ءسان- سالتاناتقا جۇمساعان
Facebook-تى ءارتاراپتاندىرۋ بويىنشا بۇرىنعى مامان باربارا فەرلوۋ-سمايلس الەۋمەتتىك جەلىدەن 4 ميلليوننان استام دوللار ۇرلاپ، ونى كاليفورنيا مەن دجوردجياداعى ءسان-سالتاناتقا جۇمسادى. Kazinform بۇل تۋرالى CNBC-كە سىلتەمە جاساپ حابارلايدى.
ا ق ش پروكۋراتۋراسىنان حابارلاعانداي، باربارا فەرلوۋ-سمايلس اقشانى بىرەۋدىڭ ورنىنا قويىلعان جەتكىزۋشى تۇلعالار، جالعان الىمدار مەن قولما-قول اقشانى قايتارىپ الۋدى قامتيتىن كۇردەلى سحەما ارقىلى ۇرلادى.
ول سونداي-اق PayPal, Venmo جانە Cash App ەسەپ جازبالارىن Facebook-تىڭ وزىنە قولجەتىمدى بولعان نەسيە كارتالارىمەن بايلانىستىرىپ، كومپانياعا ءىس جۇزىندە ۇسىنىلماعان تاۋارلار مەن قىزمەتتەر ءۇشىن سول ارقىلى تولەدى، سودان كەيىن كەرى قايتارىم العان. ول اقشانى جەكە قاجەتتىلىكتەرىنە دە جۇمسادى - ايەل شاشتاراز قىزمەتتەرى جانە بالاباقشاداعى وقۋ اقىسىن وسى كارتالارمەن تولەگەن.
پروكۋرورلاردىڭ ايتۋىنشا، فەرلوۋ-سمايلز تولەم جاساۋ ءۇشىن قىمباتتاتىلعان شوتتار قۇردى، ال جەتكىزۋشىلەر تولەمنىڭ ءبىر بولىگىن فەرلوۋ-سمايلزعا قايتارعان.
باربارا فەرلوۋ-سمايلزعا قاتىستى سوت ۇكىمى 2024 -جىلدىڭ 19-ناۋرىزىندا شىعارىلادى.
