فون دەر ليايەن: گازاداعى قانتوگىستى شۇعىل توقتاتۋ كەرەك
استانا. kazinform -كەلەسى بەس جىلداعى باعدارلاماسىن ستراسبۋرگتە تانىستىرا وتىرىپ، ۋرسۋلا فون دەر ليايەن تاياۋ شىعىستاعى قاقتىعىس تۋرالى ايتتى، دەپ جازادى Euronews.
— گازداعى قانتوگىستى شۇعىل توقتاتۋ كەرەك، - دەدى ەۋروكوميسسيا ءتوراعاسى.
دەپۋتاتتار ەكىنشى مەرزىمگە قايتا تاعايىنداعان ەۋروپا كوميسسياسىنىڭ ءتوراعاسى ۋرسۋلا فون دەر ليايەن داۋىس بەرۋ الدىندا ءوز باعدارلاماسىن ۇسىنىپ، تاياۋ شىعىستاعى جانجالعا توقتالدى.
گازا سەكتورىنداعى سوعىس ون اي بويى جالعاسىپ جاتىر، حالىقارالىق ۇيىمداردىڭ وكىلدەرى ب ۇ ۇ ساراپشىلارىنىڭ پىكىرىنشە، بۇل ايماقتاعى گۋمانيتارلىق جاعدايدىڭ اۋىر ەكەنىن، اشارشىلىق گازانى تۇگەل شارپىعانىن ەسكەرتتى.
«مەن انىق ايتقىم كەلەدى: گازاداعى قانتوگىستى دەرەۋ توقتاتۋ كەرەك. يزرايلدىڭ حاماس لاڭكەستىك ارەكەتىنە جاۋاپ بەرۋى ناتيجەسىندە تىم كوپ بالالار، ايەلدەر مەن بەيبىت تۇرعىندار قازا تاپتى. گازا حالقى بۇدان بىلاي شىداي المايدى»، - دەدى ەۋروپالىق كوميسسيا ءتوراعاسى ۋرسۋلا فون دەر ليايەن.
دەپۋتات بۇل ماسەلە بويىنشا مىڭداعان حاتتار تۇسكەنىن ايتادى. ونىڭ ايتۋىنشا، سايلاۋشىلار حالىقارالىق قىلمىستىق سوتتان يزرايل پرەمەر- مينيسترىن قاماۋعا الۋعا وردەر بەرۋدى تالاپ ەتىپ وتىر. دەگەنمەن، ەۋرووداق ىشىندە تاياۋ شىعىستاعى قاقتىعىسقا بايلانىستى تەرەڭ كەلىسپەۋشىلىك ساقتالادى، بۇل ەۋروكوميسسيانىڭ ءۇنسىز جاۋابىن ءبىلدىرۋى مۇمكىن.
