فۋتزالدان قازاقستان قۇراماسى الەم چەمپيوناتىنىڭ 1/8 فينالىنا شىقتى

استانا. KAZINFORM - فۋتزالدان قازاقستان ۇلتتىق قۇراماسى وزبەكستاندا ءوتىپ جاتقان الەم چەمپيوناتىنىڭ پلەي-وفف كەزەڭىنە شىقتى. بۇل ەكىنشى تۋر ويىندارىنان كەيىن بەلگىلى بولدى، - دەپ حابارلايدى msports.kz ءتىلشىسى.

جارىس ەرەجەسى بويىنشا توپتاعى ۇزدىك ەكى كوماندا پلەي-وففقا تىكەلەي جولداما الادى. سونداي-اق تاعى 4 قۇراما ناتيجەسىنە قاراي ءۇشىنشى ورىن العان كوماندالار اراسىنان ىرىكتەلەدى.

كاكا جاتتىقتىراتىن قازاقستان قۇراماسى ەكىنشى تۋردا ليۆيانى 4:1 ەسەبىمەن ۇتىپ، توپتا 2-ورىندا تۇر. ءبىرىنشى تۋردا يسپانيامەن تەڭ ويناعان. 4 ۇپايى بار وتانداستارىمىز جاڭا زەلاندياعا قارسى ويىندا قانداي ەسەپ تىركەلسە دە، 1/8 فينالعا ايقىن شىعىپ تۇر. ءۇشىنشى ورىننان تومەن سىرعىمايدى. سەبەبى قازىر ءۇشىنشى ورىندا تۇرعان ءۇش كوماندادا عانا ۇپاي بار. ال ءتورتىنشى قۇراما 4 ۇپاي جيناپ ۇلگەرمەيدى.

1/8 فينالعا قازاقستاننان بولەك، ارگەنتينا، برازيليا، يران، يسپانيا، ماروككو، پاراگۆاي، پورتۋگاليا، تايلاند جانە فرانسيا قۇرامالارى شىعىپ ۇلگەردى.

توپتاعى ءۇشىنشى ويىندى قازاقستان قۇراماسى 21-قىركۇيەك كۇنى جاڭا زەلانديا قۇراماسىنا قارسى وتكىزەدى.