فۋتبولدان قازاقستان قۇراماسىنىڭ الداعى ەكى ويىنى قاي تەلەارنادان كورسەتىلەدى

فۋتبولدان قازاقستان قۇراماسىنىڭ 2024 -جىلعى ەۋروپا چەمپيوناتىنىڭ ىرىكتەۋ كەزەڭى اياسىندا سان- مارينو جانە سلوۆەنيا قۇرامالارىمەن كەزدەسۋىنىڭ قاي تەلەارنادان كورسەتىلەتىنى بەلگىلى بولدى، دەپ حابارلايدى Kazinform.

اتالعان ويىنداردى «Qazaqstan» جانە «Qazsport» تەلەارنالارى تىكەلەي ەفيردە كورسەتەدى.

ەل قۇراماسى H توبىندا 8 ويىننان كەيىن 15 ۇپاي جيناپ، ءۇشىنشى ورىندا تۇر. العاشقى ەكى ورىنداعى سلوۆەنيا مەن دانيانىڭ ەنشىسىندە 19 ۇپايدان بار.

الداعى ەكى ويىندا جەڭىسكە جەتكەن جاعدايدا قازاقستان قۇراماسىنىڭ قۇرلىقتىق دودا فينالدىق ساتىسىنا جولداما الۋىنا مۇمكىندىگى بار. سلوۆەنياعا قارسى «استانا ارەنا» ستاديونىندا وتكەن ءبىرىنشى ويىن 1:2 ەسەبىمەن قارسىلاس كوماندانىڭ پايداسىنا شەشىلسە، سان- مارينونى سىرت الاڭدا 3:0 ەسەبىنەن جەڭگەن بولاتىن.

17- قاراشاداعى قازاقستان- سان- مارينو كەزدەسۋىن «Qazsport» تەلەارناسى تىكەلەي ەفيردە ۇسىنادى. ال 20 -قاراشادا سىرت الاڭداعى سلوۆەنياعا قارسى ويىنى «Qazaqstan» جانە «Qazsport» تەلەارنالارى ارقىلى ساعات 01:45-تە كورسەتىلەدى.

ەسكە سالساق، قازاقستان قۇراماسىنىڭ الداعى ويىندارىنا كىمدەر قاتىساتىنى بەلگىلى بولدى.

اۆتور

ءادىلجان ۇمبەت