فۋتبولدان قازاقستان قۇراماسىنىڭ 2023-جىلعى ماتچتارىنا كەلۋشىلەر سانى بەلگىلى بولدى
قازاقستان قۇراماسىنىڭ 2023-جىلعى ەۋروپا چەمپيوناتىنا ىرىكتەۋ كەزەڭىندەگى ون ماتچىن 245578 كورەرمەن تاماشالادى.
Kazinform اگەنتتىگى بۇل تۋرالى Sports.kz پورتالىنا سىلتەمە جاساپ حابارلايدى.
جۇرتشىلىق ەڭ كوپ جينالعان ماتچ كوپەنگاگەندە بولدى، ول كەزدە ۇلتتىق قۇراما «پاركەندە» دانيا قۇراماسىنا قارسى ويناعان، 35845 كورەرمەن جينالدى.
ءوز الاڭىندا ەڭ كوپ ادام جينالعان ويىن سان-مارينو قۇراماسىنا قارسى ماتچ بولدى، وعان 30100 كورەرمەن كەلدى. بۇل - قازاقستان قۇراماسى ءۇشىن ءوز الاڭىنداعى ماتچتارىنىڭ رەكوردى.
ەڭ از كورەرمەن پارمادا سان-مارينوعا قارسى وتكەن ماتچتا بولدى - 528 كورەرمەن. ءوز الاڭىنداعى ماتچتارداعى كورەرمەندەردىڭ ەڭ ازى سلوۆەنياعا قارسى ويىن بولدى - 27122 كورەرمەن.
ءوز الاڭىنداعى بەس ماتچقا بارلىعى 144396 كورەرمەن كەلدى. سىرتتاعى بەس كەزدەسۋگە 101182 كورەرمەن جينالدى.
