فۋتبولدان قازاقستان ۇلتتىق قۇراماسىنىڭ باس باپكەرى جاقىن اراداعى جوسپارىنا قاتىستى مالىمدەمە جاسادى
فۋتبولدان قازاقستان ۇلتتىق قۇراماسىنىڭ باس باپكەرى ماگومەد اديەۆ «اقتوبەنىڭ» باس باپكەرى قىزمەتىنە تاعايىندالۋى مۇمكىن دەگەن اقپاراتقا قاتىستى پىكىر ءبىلدىردى، دەپ حابارلايدى Kazinform.
ول، سونىمەن قاتار الداعى ۋاقىتتاعى جوسپارىن دا اتاپ وتكەن.
«دوستار، جانكۇيەرلەر، بۇگىن ماعان جاقىن ارادا «اقتوبە» فۋتبول كلۋبىن باسقاراتىنىما قاتىستى كوپتەگەن سۇراقتار كەلىپ تۇسۋدە. الايدا، مەنىڭ باستى ماقساتىم مەن مىندەتىم - قازاقستان قۇراماسى مەن ناۋرىز ايىندا وتەتىن ويىندار، مەن قازىرگى كەزدە وسى كەزدەسۋگە دايىندىق ماسەلەسىنە باسا نازار اۋدارامىن. سوعان كوڭىل بولەمىن دەپ سەندىرگىم كەلەدى. مەنىڭ ارمانىم - 2024-جىلعى فۋتبولدان ەۋروپا چەمپيوناتىنا جەتۋ جانە سوعان قاتىسۋ. وسىعان وراي، قۇرمەتتى دوستار مەن جانكۇيەرلەر، جاقىن ارادا ەشقانداي فۋتبول كلۋبىن باسقارۋدى جوسپارلاپ وتىرعان جوقپىن»، - دەپ جازدى اديەۆ Instagram پاراقشاسىندا.
ايتا كەتەيىك، بۇعان دەيىن ءبىرقاتار ب ا ق- تا «اقتوبەنى» ماگومەد اديەۆ باسقارادى دەگەن اقپارات تاراعان بولاتىن.
اۆتور
اسحات رايقۇل
