فۋتبولدان قازاقستان جاسوسپىرىمدەر قۇراماسى «دامۋ كۋبوگىنا» قاتىسادى

استانا. KAZINFORM -قازاقستاننىڭ 17 جاسقا دەيىنگى جاسوسپىرىمدەر قۇراماسى 18-24-اقپان ارالىعىندا بەلارۋس استاناسى مينسكى قالاسىندا وتەتىن «دامۋ كۋبوگى» حالىقارالىق تۋرنيرىنە قاتىسادى.

جاسوسپىرىمدەر قۇراماسىنىڭ وقۋ- جاتتىعۋ جيىنى 10-اقپاندا تالعارداعى قفف بازاسىندا وتەدى. قۇراماعا قازاقستاندىق مامان باۋىرجان ساعىندىق جەتەكشىلىك ەتەدى.

حالىقارالىق تۋرنيرگە بارلىعى 8 قۇراما قاتىسادى. ولاردىڭ قاتارىندا 17 جاسقا دەيىنگى قازاقستان، تاجىكستان، وزبەكستان، رەسەي، ازەربايجان، بەلارۋس جانە 16 جاسقا دەيىنگى بەلارۋس، رەسەي قۇرامالارى بار.

قازاقستاندىق فۋتبولشىلار ۆ توبىندا بەلارۋس (U-16)، تاجىكستان جانە رەسەي (U-17) قۇرامالارىمەن شەبەرلىك بايقاسادى. ال ا توبىندا بەلارۋس (U-17)، رەسەي (U-16)، وزبەكستان جانە ازەربايجان قۇرامالارى شەبەرلىك بايقاسادى.

ايتا كەتسەك، بۇدان بۇرىن قازاقستان جاسوسپىرىمدەر قۇراماسىنىڭ اعا جاتتىقتىرۋشىسى تاعايىندالدى. بۇل قىزمەتكە باۋىرجان ساعىندىق كەلگەن بولاتىن.

اۆتور

ءادىلجان ۇمبەت