فۋتبولدان قازاقستان جاستار قۇراماسىنا كىمدەر شاقىرۋ الدى
استانا. KAZINFORM - فۋتبولدان 21 جاسقا دەيىنگى قازاقستان جاستار قۇراماسىنىڭ الداعى ەكى جولداستىق كەزدەسۋگە قاتىساتىن قۇرامى جاريالاندى.
بۇل جونىندە قازاقستان فۋتبول فەدەراتسياسى ءمالىم ەتتى.
باس باپكەر مىندەتىن ۋاقىتشا اتقارۋشى دەنيس مامونوۆتىڭ باسشىلىعىمەن ولار 16-26-ناۋرىز ارالىعىندا الماتى قالاسىندا وقۋ-جاتتىعۋ جيىنىن وتكىزەدى. جولداستىق كەزدەسۋدە قارسىلاستار كەيىننەن انىقتالادى.
ايتا كەتەيىك، قازاقستان U-21 قۇراماسى بيىل 2027-جىلعى جاستار اراسىنداعى ەۋروپا چەمپيوناتىنىڭ ىرىكتەۋ كەزەڭىن باستايدى. جاستارىمىز D توبىندا انگليا، يرلانديا، سلوۆاكيا، مولدوۆا جانە اندوررا قۇرامالارىنا قارسى وينايدى.
قازاقستان 21 جاسقا دەيىنگى جاستار قۇراماسى
قاقپاشىلار: سانجار ەرنيازوۆ («اتىراۋ»)، ميراس ريحارد («ەرتىس»)؛
قورعاۋشىلار: سۇلتان اسكاروۆ («جەتىسۋ»)، سانجار ءانۋاروۆ («استانا»)، يۋسۋف سايداليەۆ («اتىراۋ»)، الي تۇرگانوۆ («ونتۇستىك»)، سالامات جۇمابەكوۆ («وقجەتپەس»)، جاندوس ءومىرزاقوۆ («تاراز»)، تەمىرلان مۇرزاعاليەۆ («قايسار»)، رامازان كاريموۆ («جەتىسۋ»)؛
جارتىلاي قورعاۋشىلار: ابينۋر نۇرىمبەت («تۇران»)، ءىلياس ءابىل («جيل ۆيسەنتە»، پورتۋگاليا)، دارحان بەردىبەك («اقتوبە»)، بەيبىت عالىم («توبىل»)، نۇرالى جاقسىلىق («استانا»)، مۇحاممەد ەڭسەبايەۆ («سەۋتا ب»، يسپانيا)، ميراس وماتاي («جەتىسۋ»)؛
شابۋىلشىلار: ارتەم ليتوش («حان ءتاڭىرى»)، گلەب ۆالگۋشيەۆ («قىزىلجار»)، يان ترۋفانوۆ («اتىراۋ»)، ماعجان توقتىباي («وڭتۇستىك»)، ەراسىل سارسەنباي («تۇران»).
ەسكە سالساق، بۇدان بۇرىن 2026-جىلعى فۋتبولدان الەم چەمپيوناتىنا ىرىكتەۋ كەزەڭى اياسىنداعى قازاقستان قۇراماسىنىڭ الداعى ەكى ماتچقا شاقىرتۋ العان ويىنشىلاردىڭ ناقتى ءتىزىمىن جاريالاندى.
