فۋتبول: چەمپيوندار ليگاسىندا رەكوردتىق ناتيجە تىركەلدى

استانا. قازاقپارات – 29-قاڭتاردان 30 ىنا قاراعان ءتۇنى چەمپيوندار ليگاسى جالپى كەزەڭىنىڭ 8-تۋرىندا 18 ماتچتا 64 گول سوعىلدى.

Бүгін Чемпиондар лигасының жалпы кезеңі басталады
Фото: pressball.by

Championat.com سايتىنان الىنعان مالىمەتكە قاراعاندا، بۇل - XXI عاسىرداعى ەڭ ۇزدىك كورسەتكىش.

ال جالپى تۋرنير تاريحىندا ول ەكىنشى ناتيجە بولىپ ەسەپتەلەدى. بۇدان بۇرىن 1970-جىلى 16-قىركۇيەكتە 1970-1971-جىلعى ەۋروپا چەمپيوندارى كۋبوگىنىڭ ءبىرىنشى كەزەڭىندە 16 كەزدەسۋدە 66 گول سوعىلعان ەدى.

چەمپيوندار ليگاسىنىڭ جالپى كەزەڭىندە 8 ويىندا 21 ۇپاي جيناعان اعىلشىندىق «ليۆەرپۋل» كلۋبى ۇزدىك شىقتى. يسپانيالىق «بارسەلونا» 19 ۇپايمەن ەكىنشى ورىنعا يە بولسا، لوندوندىق «ارسەنال» (19 ۇپاي) ۇزدىك ۇشتىكتى تۇيىندەدى.

العاشقى سەگىزدىككە ەنگەن كوماندالار 1/8 فينالعا بىردەن جولداما الدى. 9-24-ورىن العان كلۋبتار قالعان سەگىز جولدامانى ساراپقا سالادى.

ەسكە سالا كەتەيىك، بۇدان بۇرىن ەۋروپا ليگاسىندا زاينۋتدينوۆ وينايتىن «بەشيكتاش» كومانداسى ءىرى ەسەپپەن جەڭىسكە جەتكەنىن جازعان بولاتىنبىز.

سوڭعى جاڭالىقتار