19:41, 14 - جەلتوقسان 2023 | GMT +6
فريستايل- موگۋل: فرانسياداعى الەم كۋبوگىندا ەل نامىسىن كىمدەر قورعايدى
الداعى كۇندەرى فرانسيانىڭ الپ- ديۋەز كۋرورتتى ايماعىندا فريستايل-موگۋلدان الەم كۋبوگى وتەدى، دەپ حابارلايدى Kazinform.
ق ر ۇلتتىق وليمپيادالىق كوميتەتىنىڭ باسپا ءسوز قىزمەتى ءمالىم ەتكەندەي، اتالعان جارىستا قازاقستان نامىسىن ءتورت سپورتشى قورعايدى.
اتاپ ايتساق، الەم كۋبوگى كەزەڭىندە اناستاسيا گورودكو، پاۆەل كولماكوۆ، انتون بونداريەۆ جانە اياۋلىم امىرەنوۆا جارىس جولىنا شىعادى. كوماندا ۇزدىگى، وليمپيادا ويىندارىنىڭ قولا جۇلدەگەرى يۋليا گالىشيەۆا الماتىدا وتەتىن دودادا سىنعا تۇسەدى دەپ جوسپارلانىپ وتىر.
ايتا كەتەيىك، فريستايل-موگۋلدان قازاقستان ۇلتتىق قۇراماسىن ەلەنا كرۋگلىحينا جاتتىقتىرادى.
