فريستايل-اكروباتيكا: ايانا جولداس جەكەلەي سىندا جارىس جولىن اياقتادى

ايەلدەر اراسىندا جەكەلەي سىندا ەل نامىسىن ايانا جولداس قورعادى. وتانداسىمىز باستاپقى كەزەڭدە ساتسىز ونەر كورسەتىپ، 61.11 ۇپايمەن 17-ورىنان كورىندى.

ەكىنشى ىرىكتەۋ كەزەڭىندە 57.10 ۇپاي ەنشىلەپ، وكىنىشكە قاراي فينالعا شىعا المادى. ال جالپى ەسەپتە 21-ورىنعا يە بولدى.

ايتا كەتەيىك، فينالعا ءار كەزەڭدە ۇزدىك التىلىققا ەنگەن سپورتشىلار جولداما الدى.

ەسكە سالساق، وسىعان دەيىن حابارلاعانىمىزداي، بۇگىن يتالياداعى قىسقى وليمپيادادا 11 قازاقستاندىق سپورتشى 4 سپورت تۇرىنەن سىنعا تۇسەدى.

سونىمەن قاتار مانەرلەپ سىرعاناۋشى سوفيا سامودەلكينا قىسقا باعدارلامادا ۇزدىكتەردىڭ قاتارىنان كورىنىپ، كەلەسى كەزەڭگە ءوتتى.

اۆتور مۇحتار قاليموللا ۇلى