فۋرمانوۆ شىڭىندا قالىپ قويعان ەكى تۋريست قۇتقارىلدى

الماتى. قازاقپارات - بۇگىن، 21-ءساۋىر تاڭعى ساعات 8:35-تە رەسپۋبليكالىق جەدەل- قۇتقارۋ جاساعىنىڭ 5 ادامنان قۇرالعان جەدەل توبى جانە كينولوگتارى ەكى تۋريسكە كومەكتەسۋ ءۇشىن مەدەۋ اۋدانىنداعى تاۋعا شىقتى.

ەكى ەر ادام فۋرمانوۆ شىڭىنا (3053 م) كوتەرىلىپ بارا جاتقاندا بىرەۋى تومەن قاراي دومالاپ كەتكەن، ال ەكىنشىسى بورپىلداق جەردە قالىپ، ءوز بەتىنشە تومەن تۇسە الماعان.

ساعات 12.02-دە قۇتقارۋشىلار ولارعا جەتىپ، بوساڭ توپىراقتا قالىپ قويعان ادامدى تاسىمالداۋعا كىرىستى.

ساعات 13:58-دە قۇتقارۋشىلار وپەراتسيانى اياقتاپ، تۋريستى فەلدشەرلەرگە تاپسىردى.

2004 جانە 2005 -جىلى تۋعان ەكى ادام قۇتقارىلدى.

فوتو: ت ج م

ت ج م قۇتقارۋشىلارى تاۋعا ءبىر كۇندىك ساپارعا شىققاندا جەكە جابدىقتار كەرەكتىگىن ەسكە سالادى.

ولار: ىڭعايلى ترەككينگ باتەڭكە، سەرۋەندەۋگە ارنالعان تاياقشالار، مىندەتتى تۇردە سۋ، سۋ وتكىزبەيتىن پاكەتتەگى سىرىڭكەلەر، توقتاۋعا ارنالعان حوبا (وتىراتىن كىلەم)، جىلدىڭ كەز كەلگەن مەزگىلىندە spf-كرەم.

«وتباسىڭىزعا نەمەسە جاقىندارىڭىزعا جوسپارلانعان مارشرۋت پەن قايتۋ ۋاقىتى جونىندە ەسكەرتۋدى ۇمىتپاڭىز» دەيدى قۇتقارۋشىلار.