08:26, 14 - جەلتوقسان 2024 | GMT +5
فرانسيانىڭ جاڭا پرەمەر-ءمينيسترى تاعايىندالدى
استانا. KAZINFORM - فرانسۋا بايرۋ فرانسيانىڭ جاڭا پرەمەر-ءمينيسترى بولىپ تاعايىندالدى، دەپ جازادى ت ا س س.
فرانسيا پرەزيدەنتى ەممانيۋەل ماكرون سەنتريستىك «دەموكراتيالىق قوزعالىس» پارتياسىنىڭ جەتەكشىسى فرانسۋا بايرۋدى ەلدىڭ پرەمەر-ءمينيسترى قىزمەتىنە تاعايىندادى. بۇل تۋرالى ەليسەي سارايىنىڭ كومميۋنيكەسىندە ايتىلعان.
فرانسۋا بايرۋ فرانسيانىڭ ۇلتتىق اسسامبلەياسى (پارلامەنتتىڭ تومەنگى پالاتاسى) 4-جەلتوقساندا ونىڭ ۇكىمەتىنە سەنىمسىزدىك ءبىلدىرۋ تۋرالى رەزوليۋتسياسى قابىلداعاننان كەيىن وتستاۆكاعا كەتكەن قۇرداسى، 73 جاستاعى ميشەل بارنەنىڭ ورنىنا كەلدى.
ايتا كەتەيىك، بۇعان دەيىن فرانسيا پارلامەنتى بارنە ۇكىمەتىنە سەنىمسىزدىك ۆوتۋمىن قولداعانى ءمالىم بولدى. بۇل شەشىمدى قابىلداۋ ءۇشىن كەمىندە 289 داۋىس قاجەت بولاتىن. ۆوتۋمعا 331 دەپۋتات داۋىس بەردى.
