فرانسيالىق ورانو كومپانياسىمەن ەنەرگەتيكا سالاسىنداعى جوبالار تالقىلاندى
ق ر پرەمەر-ءمينيسترى ءاليحان سمايىلوۆ پەن Orano S. A. كومپانياسىنىڭ باس وپەراتسيالىق ديرەكتورى نيكوليا ماس ەنەرگەتيكا سالاسىنداعى ىنتىماقتاستىقتىڭ وزەكتى ماسەلەلەرىن تالقىلادى، دەپ حابارلايدى Kazinform.
كەزدەسۋ بارىسىندا ۇكىمەت باسشىسى قازاقستان مەن فرانتسيا ەنەرگەتيكا سالاسىندا بايىرعى ستراتەگيالىق ارىپتەس ەكەنىن اتاپ ءوتتى.
«Orano - ءبىزدىڭ وسى باعىتتاعى ماڭىزدى جانە سەنىمدى سەرىكتەسىمىز. كومپانيا قازاقستاندا 27 -جىل بويى تابىستى جۇمىس ىستەپ كەلەدى. بۇل ورايدا، «كاتكو» بىرلەسكەن كاسىپورنى - ۇزاق مەرزىمدى جانە ءوزارا ءتيىمدى سەرىكتەستىكتىڭ دالەلى. ءبىز ىنتىماقتاستىقتى ودان ءارى دامىتۋ مۇمكىندىكتەرىن قاراستىرۋعا دايىنبىز»، - دەدى ءاليحان سمايىلوۆ.
ءوز كەزەگىندە نيكولاس ماس Orano-نىڭ قازاقستانمەن ءوزارا ءىس- قيمىلدى كەڭەيتۋگە قىزىعۋشىلىعىن ءبىلدىردى.
«قازىرگى ۋاقىتتا بىزگە ەكى تاراپتان دا ءوزارا ءىس-قيمىلدى كەڭەيتۋگە ىقپال ەتە الاتىن ءىرى جوبالار جەتىسپەيدى. سول سەبەپتى بۇگىن مەن قارىم-قاتىناسىمىزدى ناقتى جوبالار نەگىزىندە جاڭعىرتۋدى ۇسىنعىم كەلەدى»، - دەدى ول.
سونىمەن قاتار كەزدەسۋگە ق ر ەنەرگەتيكا مينيسترلىگى، «سامۇرىق- قازىنا» ا ق جانە «قازاتومونەركاسىپ» ۇلتتىق كومپانياسىنىڭ وكىلدەرى قاتىستى.
ايتا كەتەيىك، وrano S. A. - فرانسيانىڭ اتوم ونەركاسىبىنىڭ ءىرى كوشباسشى كومپانياسى. قىزمەتىنىڭ نەگىزگى باعىتتارى اتوم ەنەرگەتيكاسىمەن، ياعني ۋران ءوندىرۋ، وڭدەۋ جانە بايىتۋ، يادرولىق وتىندى تاسىمالداۋ، راديواكتيۆتى قالدىقتارمەن جۇمىس ىستەۋ جانە ت. ب. بايلانىستى.
