فرانسيادا ۆەرسال سارايى ورتەندى

استانا. KAZINFORM - سەيسەنبى كۇنى تۇستە ۆەرسال سارايى شاتىرىنىڭ جوندەلىپ جاتقان تۇسىنان ءتۇتىن شىقتى، دەپ حابارلايدى Le Figaro.

ۆەرسال سارايىندا ورتتەن شىققان ءتۇتىندى سەيسەنبى كۇنى ساعات 15:13 تە قامال شاتىرىن جوندەپ جاتقان جۇمىسشىلار بايقاعان.

«ءورت كورول رەزيدەنتسياسىنىڭ ءمارمار اۋلاسىنىڭ ۇستىندە باستالدى»، - دەپ ناقتىلادى ۆەرسال سارايىنىڭ بايلانىس ءبولىمى.

بىرنەشە ينتەرنەت قولدانۋشىسى الەۋمەتتىك جەلىدە قامالدان بۋداقتاپ ءتۇتىن شىعىپ جاتقانى كورىنىپ تۇرعان ۆيدەو جاريالادى.

«ءورت سوندىرۋشىلەر دەرەۋ اراشا ءتۇستى. ولار جالىندى تەز ارادا ءسوندىردى»، - دەپ حابارلادى قۇتقارۋ قىزمەتى.

بۇل ىسكە 97 گە جۋىق ءورت ءسوندىرۋشى جۇمىلدىرىلعان.

ولار شاتىردا ءورتتىڭ الدىن الۋ ءۇشىن سوندا قالعان.

«ەشكىم جاراقات المادى، كوللەكسياعا زاقىم كەلگەن جوق»، - دەدى ۆەرسال سارايىنىڭ بايلانىس ءبولىمى.