فرانسيادا ۇكىمەت مۇشەلەرىنە Telegram مەن WhatsApp پايدالانۋعا تىيىم سالىندى

 فرانسيا پرەمەر- ءمينيسترى كەڭسەسىنەن جىبەرىلگەن نۇسقاۋلىقتا ۇكىمەت شەنەۋنىكتەرىنەن تەلەفوندارىنداعى Telegram, WhatsApp جانە Signal حابار الماسۋ قولدانبالارىن ءوشىرۋ سۇرالعان.

بۇل تۋرالى انادولى اگەنتتىگى Le Figaro باسىلىمىنا سىلتەمە جاساپ جازدى، دەپ حابارلايدى Kazinform.

قۇپيا اقپاراتتار ايتىلاتىن كەڭەستەردىڭ «قاۋىپسىزدىگىن كۇشەيتۋگە» باعىتتالعان نۇسقاۋلىقتا ۇكىمەت مۇشەلەرى Olvid وتاندىق حابار الماسۋ قوسىمشاسىن 8-جەلتوقساننان كەشىكتىرمەي ورناتۋى كەرەكتىگى ايتىلعان.

قۇجاتتا Olvid قوسىمشاسىنىڭ اقپاراتتىق قاۋىپسىزدىك جونىندەگى ۇلتتىق اگەنتتىك (ANSSI) بەرەتىن «ءبىرىنشى دەڭگەيلى قاۋىپسىزدىك سەرتيفيكاتىن العان جالعىز قوسىمشا» ەكەنى ايتىلعان.

Olvid كومپانياسىن 2019 -جىلى فرانسۋز كيبەرقاۋىپسىزدىك ساراپشىلارى جاساپ شىعارعان.