فرانسيا سىرتقى ىستەر ءمينيسترى يزرايلگە باردى

 فرانسيا سىرتقى ىستەر ءمينيسترى كەترين كولوننا قازىر يزرايلدىك ارىپتەسى ەلي كوەنمەن بىرگە اشكەلون قالاسىندا ءجۇر، دەپ حابارلايدى Kazinform BBC News-كە سىلتەمە جاساپ.

Times of Israel باسىلىمىنىڭ حابارلاۋىنشا، كولوننا ءوزىنىڭ ساپارىن يزرايلمەن ىنتىماقتاستىقتىڭ كورىنىسى دەپ اتاعان.

«بۇل سونىمەن قاتار فرانسيانىڭ يزرايل حالقىنىڭ قايعىسىن بولىسەتىنىن ايتۋدىڭ ءبىر جولى»، - دەپ قوستى ول.

7-قازاندا يزرايلدەگى حاماس شابۋىلىنان 17 فرانسۋز ازاماتى قازا تاۋىپ، سانى بەلگىسىز فرانسۋز ءىز- ءتۇزسىز جوعالىپ كەتكەن، ولار كەپىلگە الىنۋى دا مۇمكىن.

فرانسيا بۇكىل ەۋروپالىق وداق سياقتى حاماس- تى تەرروريستىك ۇيىم دەپ سانايدى. سونىمەن قاتار، فرانسيادا تارتىپسىزدىكتەرگە جول بەرمەۋ ءۇشىن پالەستينانى قولدايتىن كەز كەلگەن ارەكەتتەرگە تىيىم سالىنعان.

سوعان قاراماستان، 12-قازاندا وتكەن اكتسيا بەلسەندىلەر مەن پوليتسيا اراسىنداعى قاقتىعىسپەن اياقتالدى.