فرانسيا پرەزيدەنتى قاسىم- جومارت توقايەۆتى پاريجدەگى بەيبىتشىلىك فورۋمىنا شاقىردى
فرانسيا پرەزيدەنتى ەممانيۋەل ماكرون مەملەكەت باسشىسى پاريجدەگى بەيبىتشىلىك فورۋمىنا قۇرمەتتى قوناق رەتىندە قاتىسۋعا شاقىردى، دەپ حابارلايدى Kazinform.
«ايتپاقشى، مەن پرەزيدەنت مىرزانى كەلەر جىلى پاريجگە كەلىپ، بەيبىتشىلىك فورۋمىنا قۇرمەتتى قوناق رەتىندە قاتىسۋعا شاقىردىم»، - دەدى ەممانۋەل ماكرون اقورداداعى كەڭەيتىلگەن قۇرامداعى كەزدەسۋدە.
مەملەكەت باسشىسى شاقىرۋدى قابىلدايتىنىن ايتتى.
«شاقىرۋىڭىزعا كوپ راقمەت، رەسمي ساپارمەن بارامىن. قازاق مادەنيەتىنە ارنالعان ۇلكەن كورمە اپارامىز دەپ ويلايمىن. بۇل ۇلكەن وقيعا، وزگە دە ماڭىزدى ماسەلەلەر بويىنشا شەشىم قابىلدايمىز دەپ ويلايمىن. سىزگە كوپ راقمەت»، - دەدى قاسىم- جومارت توقايەۆ.
ەسكە سالايىق، فرانسيا پرەزيدەنتى قازاقستانعا مەملەكەت باسشىسى قاسىم- جومارت توقايەۆتىڭ شاقىرۋىمەن كەلدى.
ساپار اياسىندا ەكى ەل باسشىسى ساۋدا- ەكونوميكالىق، ينۆەستيتسيالىق جانە ەنەرگەتيكالىق ىنتىماقتاستىقتى نىعايتۋ، سونداي- اق حالىقارالىق جانە وڭىرلىك كۇن تارتىبىندەگى ماسەلەلەردى تالقىلايدى دەپ جوسپارلانعان.
ايتا كەتۋ كەرەك، قازاقستان پرەزيدەنتى قاسىم- جومارت توقايەۆتىڭ فرانسياعا بىلتىر جاساعان رەسمي ساپارى اياسىندا 35 قۇجاتقا قول قويىلعان بولاتىن.
