فرانسيا مەن پورتۋگالياداعى ورمان ءورتى: مىڭداعان تۋريست ەۆاكۋاتسيالاندى

استانا. KAZINFORM - پورتۋگاليادا نەبارى ەكى اپتانىڭ ىشىندە 3,5 مىڭ گەكتار ورمان قىزىل جالىنعا وراندى. مادەيراداعى قاتتى جەل ءورتتى سوندىرۋگە كەدەرگىسىن كەلتىرۋدە، دەپ حابارلايدى Euronews.

ورمان ءورتى بۇكىل ەۋروپاعا تارالىپ جاتىر. فرانسيانىڭ وڭتۇستىك- باتىسىنداعى ەرو دەپارتامەنتىندە 350 گا قاراعايلى ورمان ورتەنىپ، سول ماڭدا دەمالىپ جاتقان تۋريستەر كەرۋەندەرى مەن شاتىرلارىن قاۋىپسىز جەرگە كوشىرۋگە ءماجبۇر بولدى.

بيلىكتىڭ حابارلاۋىنشا، ءورت كەيىننەن باقىلاۋعا الىنىپ، ءسوندىرىلدى.

مادەيرا ارحيپەلاگى ارالدارىنىڭ بىرىندە ءۇش جەردە وت جانىپ جاتىر. ءورت ەلدى مەكەندەرگە جەتىپ، كەم دەگەندە 160 ادام ەۆاكۋاتسيالاندى.

«جوعارى تەمپەراتۋرا مەن تومەن ىلعالدىلىقپەن بىرگە جەل ءورتتى ءسوندىرۋدىڭ بۇكىل ستراتەگياسىنا اسەر ەتەدى. اسىرەسە وتتى ءسوندىرۋ كەزىندە قيىندىق تۋعىزۋدا»، - دەدى مادەيرا ايماقتىق ۇكىمەتىنىڭ پرەزيدەنتى ميگەل البۋكەركە.

ەسكە سالا كەتەيىك، بۇعان دەيىن نايزاعاي سالدارىنان ەرتىس ورمانىنان 6 رەت ءورت شىققانىن جازعان ەدىك.