فرانسيا ماسكەۋدەگى تەراكتىگە بايلانىستى وليمپيادا ويىندارىنا كەلۋشىلەر سانىن ازايتتى

استانا. kazinform - ماسكەۋ ماڭىندا بولعان لاڭكەستىك ارەكەتكە بايلانىستى فرانسيا تەراكت قاۋپىنىڭ ەڭ جوعارى دەڭگەيىن جاريالادى. بۇل تۋرالى جەكسەنبى، 24-ناۋرىزدا X الەۋمەتتىك جەلىسىندە ەلدىڭ پرەمەر-ءمينيسترى گابريەل اتتال ءمالىم ەتتى، دەپ حابارلايدى Deutsche Welle اگەنتتىگى.

ونىڭ ايتۋىنشا، فرانسيا پرەزيدەنتى ەممانۋەل ماكرون ەليسەي سارايىندا ەلدىڭ قورعانىس جانە ۇلتتىق قاۋىپسىزدىك كەڭەسىن جيناعان. اتتال كەزدەسۋگە سەبەپ رەتىندە 22-ناۋرىزدا ماسكەۋ تۇبىندەگى كراسنوگورسك قالاسىنداعى Crocus City Hall كونسەرت زالىندا بولعان تەراكتىنى، بىرنەشە قارۋلى ادام كەلۋشىلەرگە وق جاۋدىرىپ، كەيىن عيماراتتى ورتەپ جىبەرگەنىن اتادى.

«يسلام مەملەكەتىنىڭ لاڭكەستىك ارەكەتتىڭ جاۋاپكەرشىلىگىن ءوز موينىنا الۋىن جانە ءبىزدىڭ ەلگە ءتونىپ تۇرعان قوقان-لوققىلاردى ەسكەرە وتىرىپ، ءبىز ۆيجيپيراتتى (تەررورلىق قاۋىپ تۋرالى ۇلتتىق جۇيە) ەڭ جوعارى دەڭگەيگە - «توتەنشە جاعدايعا» كوتەرۋ تۋرالى شەشىم قابىلدادىق»، - دەدى اتتال.

ناۋرىز ايىنىڭ باسىندا Politico گازەتى ماكرون 26-شىلدەدە وتەتىن پاريجدەگى وليمپيادا ويىندارىنىڭ اشىلۋ سالتاناتىندا لاڭكەستىك ارەكەت بولۋى مۇمكىن دەگەن قاۋىپكە بايلانىستى كورەرمەندەر سانىن قىسقارتۋعا بۇيرىق بەرگەنىن جگازەتتىڭ حابارلاۋىنشا، سول كەزدەگى ەلدىڭ بارلاۋ قىزمەتى 2024 -جىلعى وليمپيادا ويىندارى كەزىندەگى لاڭكەستىك ارەكەتتەر قاۋپىن تىركەمەگەن، ءبىراق «يسلام تەرروريزمىنە» الاڭداۋشىلىق بىلدىرگەن. فرانسيانىڭ ىشكى ىستەر مينيسترلىگى ءبىرقاتار لاڭكەستىك توپتار، سونىڭ ىشىندە «يسلام مەملەكەتى» مەن «ءال-كايدا» ەلدى بولاشاق شابۋىلدار ءۇشىن ىقتيمال نىسانا دەپ سانايدى، ءبىراق ولاردىڭ شەتەلدەن ۇيىمداستىرىلۋىنا «قارجىلىق مۇمكىندىكتەردىڭ» جوقتىعى كەدەرگى كەلتىرەدى دەپ سانايدى.

پاريجدەگى وليمپيادا ويىندارىنىڭ اشىلۋ سالتاناتى ادەتتەگىدەي ستاديوننىڭ ىشىندە ەمەس، اشىق الاڭدا - سەنا جاعالاۋىندا وتەدى.