فرانسيا عارىشتى ەل ءۇشىن ماڭىزدى اسكەري ايماق دەپ اتادى
استانا. KAZINFORM - پاريج €10 ميللياردتان استام سومانى عارىشتىق قورعانىس جۇيەسىن دامىتۋعا جۇمسايدى، بۇل اسكەري جوسپارلاۋ تۋرالى زاڭ اياسىندا جۇزەگە اسىرىلادى.
بۇل تۋرالى فرانسيانىڭ اۋە كۇشتەرىنىڭ باس قولباسشىسى جەروم بەللانجە مالىمدەدى، دەپ حابارلايدى ت ا س س.
عارىش - فرانسيانىڭ اسكەري ستراتەگياسىنىڭ ماڭىزدى باعىتتارىنىڭ ءبىرى جانە وسى سالاداعى قورعانىستى نىعايتۋ ءۇشىن ەداۋىر رەسۋرستار بولىنەدى. بۇل تۋرالى فرانسيانىڭ اۋە-عارىش كۇشتەرىنىڭ باس قولباسشىسى گەنەرال جەروم بەللانجە Le Journal du Dimanche اپتالىق باسىلىمىنا بەرگەن سۇحباتىندا مالىمدەدى.
- عارىش - بۇل نەگىزگى اسكەري باعىت، سوندىقتان فرانتسيا 2024- 2030 -جىلدارعا ارنالعان اسكەري جوسپارلاۋ زاڭى اياسىندا وعان €10 ميللياردتان استام قاراجات بولەتىنى تۇسىنىكتى، - دەدى ول.
بۇل زاڭ مەملەكەتتىك بيۋدجەتتىڭ €36 ميللياردىن اسكەري شىعىندارعا باعىتتاۋدى كوزدەيدى.
گەنەرالدىڭ پىكىرىنشە، «زاماناۋي كەز كەلگەن سوعىس عارىشتان باستالادى».
- كەيبىر ايماقتاردا، اتاپ ايتقاندا تاياۋ جانە ورتا شىعىستا، درونداردى قولدانۋعا بايلانىستى كەدەرگىلەر سپۋتنيكتىك دەرەكتەردى پايدالانۋعا كەدەرگى كەلتىرىپ جاتىر، - دەپ اتاپ ءوتتى بەللانجە.
بۇعان دەيىن پارلامەنتتىك تىڭداۋلاردا گەنەرال عارىشتاعى سوعىس باستالعانىن جانە وسى سالاعا ەرەكشە نازار اۋدارۋ قاجەت ەكەنىن مالىمدەگەن بولاتىن.
