فرانسيا استاناسىندا ۆەلوسيپەد تاكسي قىزمەتى ىسكە قوسىلدى

استانا. قازاقپارات – پاريجدە Heetch Bike - جاڭا تاكسي قىزمەتى ىسكە قوسىلدى. كابينالارى بار ۆەلوسيپەدتەر جولاۋشىلاردى قالا ىشىندە تاسىمالدايدى، - دەپ حابارلايدى Tengritravel.kz ءتىلشىسى.

The Mayor سايتىنىڭ مالىمەتىنە سايكەس كومپانيا «پاريجدە ادەتتەگى تاكسيگە قاراعاندا 40 پايىزعا جىلدام جانە 20 پايىزعا ارزان جۇرۋگە بولادى» دەپ ۋادە ەتكەن.

Heetch Bike فرانسيا استاناسىندا ۆەلوسيپەدكە دەگەن سۇرانىستىڭ ارتۋىنا سەنىم ارتىپ وتىر. ەيفەل مۇناراسىندا ۇلكەن جاياۋ جۇرگىنشىلەر ايماعى اشىلعاننان كەيىن بۇل قىزمەت ودان سايىن تانىمالدىققا يە بولدى.

كومپانيا جولاۋشىلار ۆەلوسيپەد تاكسيىندە وزدەرىن قاۋىپسىز جانە جايلى سەزىنەدى دەپ سەندىرەدى.

كابينالاردىڭ ورىندىقتارى جىلىتاتىن قۇرىلعىمەن جاراقتاندىرىلىعان. سونداي-اق كابيناعا جەل كىرمەيدى، جاڭبىر تيمەيتىن كورىنەدى.

ازىرگە تاكسي تەك دەمالىس كۇندەرى جۇمىس ىستەيدى. ەگەر سىناق كەزەڭىنەن ءساتتى وتەتىن بولسا، ول تاۋلىك بويى جۇمىس ىستەي الادى.