21:02, 05 - تامىز 2021 | GMT +6
Forbes الەمدەگى ەڭ باي ءانشىنى اتادى
نۇر-سۇلتان.قازاقپارات - 33 جاستاعى امەريكالىق ءانشى رياننا Forbes نۇسقاسى بويىنشا الەمدەگى ەڭ باي ءانشى دەپ تانىلدى.
رياننانىڭ بايلىعى قازىرگى ۋاقىتتا 1,7 ميلليارد دوللارعا باعالانىپ وتىر. ونىڭ تابىسىنىڭ كوپ بولىگى كاسىپكەرلىك قىزمەتتەن كەلەدى. ءانشى 2017 -جىلى كوسمەتيكالىق جانە ءىش كيىم شىعاراتىن كومپانيانىڭ نەگىزىن قالادى.
الەۋمەتتىك جەلىلەردەگى جارناما كوسمەتيكالىق كومپانيانىڭ برەندىن دامىتۋدا ماڭىزدى ءرول اتقاردى. ونىڭ ينستاگرامدا 101 ميلليون، Twitter - دە 102 ميلليوننان استام وقىرمانى بار.
2019 -جىلى رياننا مۋزىكا الەمىندەگى ەڭ باي ايەلدەر رەيتينگىندە جەتەكشى ورىندى يەلەندى. سول ۋاقىتتا ونىڭ بايلىعى 600 ميلليون دوللار بولعان.
massaget.kz