Forbes تىزىمىندەگى 2 كاسىپكەر سۋ تاسقىنىنان زارداپ شەككەندەرگە قوماقتى قاراجات اۋداردى

благотворительность, помощь
Фото: freepik.com

  استانا. KAZINFORM - «قازاقستان حالقىنا» قورىنىڭ سۋ تاسقىنىنان زارداپ شەككەندەرگە قوماقتى قاراجات اۋدارعاندار ءتىزىمى تاعى ەكى بيزنەسمەنمەن تولىقتى. ولار: قايرات يتەمگەنوۆ پەن الماس مىڭبايەۆ.

قور مالىمەتىنە قاراعاندا، قايرات يتەمگەنوۆ 1,3 ميلليارد، ال الماس مىڭبايەۆ 450 ميلليون تەڭگە اۋدارعان.

2024 -جىلدىڭ 1-ساۋىرىنەن سۋ تاسقىنىنان زارداپ شەككەندەرگە كومەك رەتىندە 4,7 ميلليارد تەڭگە جينالدى. ونىڭ جارتى ملرد تەڭگەگە جۋىعىن جەكە تۇلعالار بەرگەن.

قايرات يتەمگەنوۆ Aqniet Group ج ش س- ءنىڭ ماجوريتارلىق اكسيونەرى سانالادى. كومپانيا Europharma جانە ArzanPharm ءدارىحانا جەلىلەرىن باسقارادى. ول وتكەن جىلى ەلىمىزدە شىعاتىن Forbes جۋرنالىنىڭ «قازاقستانداعى 50 ەڭ ىقپالدى بيزنەسمەن» جانە «قازاقستاننىڭ 50 ەڭ داۋلەتتى بيزنەسمەنى» رەيتينگتەرىنە ەنگەن ەدى.

الماس مىڭبايەۆ - Nomad Life جانە «نوماد ينشۋرانس» ساقتاندىرۋ كومپانيالارى ديرەكتورلار كەڭەسىنىڭ ءتوراعاسى. ول دا وتكەن جىلى «قازاقستاننىڭ 50 ەڭ داۋلەتتى بيزنەسمەنى» قاتارىنا قوسىلدى.

سوڭعى جاڭالىقتار