جولاۋشىلاردى تاسىمالداۋدان باس تارتۋ فاكتىسى بويىنشا FlyArystan-عا تەكسەرۋ جۇرگىزىلدى
ق ر ي ي د م ازاماتتىق اۆياتسيا كوميتەتىنىڭ مالىمەتى بويىنشا، تەكسەرۋ جۇرگىزۋگە 2022 -جىلعى 19-ناۋرىزداعى نۇر-سۇلتان - قوستاناي باعىتى بويىنشا ك س 7341 رەيسىمەن جولاۋشىلاردى تاسىمالداۋدان باس تارتۋ فاكتىسىنە قاتىستى جولاۋشىلاردىڭ ءوتىنىشى نەگىز بولعان.
تەكسەرۋ ناتيجەلەرى بويىنشا جولاۋشىلاردى تاسىمالداۋدان باس تارتۋدىڭ سەبەبى ەۆاكۋاتسيالىق تراپتان اقاۋ تابىلىپ، اۋە كەمەسىنىڭ بورتىنداعى جولاۋشىلارعا ارنالعان ورىندار سانى جۇزگە دەيىن قىسقارتىلعان. ورىندار سانىن قىسقارتۋ ۇشۋ قاۋىپسىزدىگى تالاپتارى نەگىزىندە جۇزەگە اسىرىلعان. اۆاريالىق تراپ دۇرىس جۇمىس ىستەمەسە، جولاۋشىلاردى اپاتتى جاعدايدا ءتۇسىرۋ مۇمكىن ەمەس. وسى سەبەپتى اۋە كومپانيا 180 ورىننىڭ 70 ىن جابۋعا ءماجبۇر بولعان. قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 -جىلعى 30-ساۋىردەگى №540-بۇيرىعىمەن بەكىتىلگەن جولاۋشىلاردى، باگاجدى جانە جۇكتەردى اۋە كولىگىمەن تاسىمالداۋ قاعيدالارىنا سايكەس، جولاۋشىلاردى اۋە كەمەسىنىڭ ۇشۋ قاۋىپسىزدىگىنە قاتەر توندىرەتىن سەبەپتەر بويىنشا تاسىمالداۋدان باس تارتىلسا، پايدالانىلماعان بيلەت قۇنى نەمەسە ونىڭ ءبىر بولىگى قايتارىلادى.
