FlyArystan سالعىرتتىعىنان ۇشپاي قالعان جاسوسپىرىمگە پسيحولوگيالىق كومەك ۇسىنىلدى
استانا. KAZINFORM - وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتى FlyArystan ۇشاعىنا جىبەرىلمەي، اۋەجايدا جالعىز قالعان 12 جاسار قىزدىڭ اناسىنا حابارلاسىپ، قاجەتتى پسيحولوگيالىق كومەك ۇسىندى.
«بالا قۇقىعىن بۇزاتىن جاعدايلارعا جول بەرىلمەيدى. بۇل جاعداي بالانىڭ قاۋىپسىزدىگى مەن قۇقىعىن بۇزۋدىڭ كورىنىسى. بالالاردىڭ قاۋىپسىزدىگى باسىمدىققا يە بولۋى ءتيىس. اۋە كومپانياسى الدىمەن رەيسكە تىركەلگەن بالالارعا قامقورلىق تانىتۋى كەرەك ەدى»، - دەلىنگەن كوميتەت تاراتقان حابارلامادا.
سونداي-اق، كوميتەت وسى سەكىلدى جاعدايلاردىڭ الدىن الۋ ماقساتىندا FlyArystan اۋە كومپانياسىنا جانە كولىك مينيسترلىگىنىڭ ازاماتتىق اۆياتسيا كوميتەتىنە ءتيىستى شارالار قابىلداۋدى تالاپ ەتە وتىرىپ، رەسمي حات جولداعان.
بۇعان دەيىن حابارلاعانىمىزداي، FlyArystan كومپانياسى ەلوردادا ەگىزدىڭ سىڭارىن اۋەجايدا قالدىرىپ كەتكەن.
ورال قالاسىنىڭ قوس تۇرعىنى، ەگىزدەر - زاۋرە مەن زەرە امەريكاداعى ءتىل مەكتەبىنەن استانا ارقىلى كەرى ۇشىپ شىققان. ەلورداعا امان جەتكەن قوس ءجاسوسپىرىمنىڭ ءبىرى استانا - ورال باعىتىندا ۇشقان «FlyArystan» اۋە كومپانياسىنىڭ ۇشاعىنان قالىپ قويعان. بۇل تۋرالى ەگىزدەردىڭ اناسى جازيرا مۋسينا جەكە الەۋمەتتىك پاراقشاسىنا جازدى.
