فلوريدادا ترامپقا جاسالعان قاستاندىققا قاتىستى سوت پروتسەسى قىركۇيەككە اۋىستىرىلدى
استانا. KAZINFORM — فلوريدانىڭ وڭتۇستىگىندە دونالد ترامپقا قاستاندىق جاساماق بولدى دەپ ايىپتالعان رايان رۋت 2025-جىلدىڭ قىركۇيەگىندە سوت الدىندا جاۋاپ بەرەدى، دەپ حابارلايدى «امەريكا داۋىسى».
رايان رۋتتىڭ قورعاۋشىلارى وعان قارسى دالەلدەمەلەردى تەكسەرۋگە ۋاقىت قاجەت ەكەنىن ايتتى. رايان رۋتتىڭ سوتى بۇعان دەيىن جوسپارلانعان 10-اقپاندا ەمەس، 8-قىركۇيەكتە باستالادى، دەپ حابارلادى فەدەرالدى وكرۋگ سۋدياسى ايلين كەننون دۇيسەنبى كۇنى جاريالانعان شەشىمدە.
گاۆاي تۇرعىنى 58 جاستاعى رۋت ءوز كىناسىن مويىندامادى. ونىڭ ادۆوكاتتارى سۋديادان سوت پروتسەسىن كەلەسى جەلتوقسانعا قالدىرۋدى سۇراپ، وعان قارسى دالەلدەمەلەردى قاراپ شىعۋعا ۋاقىت قاجەت ەكەنىن ايتتى.
قورعاۋشى رۋتتىڭ 17 ۇيالى تەلەفونى جانە باسقا دا كوپتەگەن ەلەكتروندى قۇرىلعىلارى بولعانىن اتاپ ءوتتى. سونىمەن قاتار، قورعاۋشىلارعا پوليتسيانىڭ كەۋدە كامەرالارى مەن قاۋىپسىزدىك كامەرالارىنان تۇسىرىلگەن جۇزدەگەن ساعاتتىق بەينەجازبالار بەرىلگەن.
ءوز قاۋلىسىندا كەننون ايىپتاۋلاردىڭ اۋىرلىعىن ەسكەرە وتىرىپ، ول كوبىرەك ۋاقىت بەرگىسى كەلەتىنىن، ءبىراق پروتسەستىڭ باستالۋىن 2025-جىلدىڭ جەلتوقسانىنا اۋىستىرۋ شامادان تىس كوپ بولاتىنىن اتاپ ءوتتى. بۇل رەتتە سوت وتىرىسىن قىركۇيەككە تاعايىنداۋ دۇرىس شەشىم بولدى.
ەسكە سالا كەتەيىك، بۇعان دەيىن ا ق ش- تىڭ پەنسيلۆانيا شتاتىندا سايلاۋالدى اكسيا ءوتىپ جاتقان كەزدە دونالد ترامپقا قاستاندىق جاسالعانىن جازعان بولاتىنبىز.
