22:56, 17 - ماۋسىم 2022 | GMT +5
باسكەتبولدان قازاقستان قۇراماسى FIBA رەيتينگىندە كوش باستادى
نۇر-سۇلتان. قازاقپارات - حالىقارالىق باسكەتبول فەدەراتسياسى (FIBA) باسكەتبولدان الەم چەمپيوناتىنىڭ ازيا ايماعى ىرىكتەۋ تۋرنيرىنىڭ جاڭارتىلعان قۋاتتىلىق رەيتينگىن جاريالادى، دەپ حابارلايدى قازاقپارات.
جاڭا رەيتينگىگە سايكەس، باسكەتبولدان قازاقستان ەرلەر قۇراماسى ءبىرىنشى ورىنعا جايعاستى.
ال يوردانيا مەن اۆستراليا الدىڭعى ۇشتىكتى تۇيىندەدى.
ايتا كەتەيىك، قازاقستان ەرلەر قۇراماسى ازيا ايماعىنداعى ىرىكتەۋ تۋرنيرىنىڭ العاشقى ەكى كەزەڭىندە 4 كەزدەسۋدىڭ بارلىعىندا جەڭىسكە جەتىپ، 8 ۇپايمەن D توبىندا كوش باستادى.
قۋاتتىلىق رەيتينگىسى كوماندانىڭ ىرىكتەۋ تۋرنيرىندەگى ناتيجەلەرىنە سايكەس تۇزىلەدى.
قازاقستان ەرلەر قۇراماسى ىرىكتەۋ تۋرنيرىنىڭ ءۇشىنشى كەزەڭىندە يران جانە باحرەين قۇرامالارىمەن كۇش سىناسادى.
