Facebook اتاۋىن وزگەرتتى
نۇر- سۇلتان. قازاقپارات - Facebook اتاۋىن Meta دەپ وزگەرتتى، دەپ حابارلايدى قازاقپارات BBC اگەنتتىگىنە سىلتەمە جاساپ.
الايدا ونىڭ باستى الەۋمەتتىك جەلىسىنىڭ اتاۋى بۇرىنعىسىنشا قالادى. رەبرەندينگ تۋرالى Facebook ديەۆەلوپەرلەرىنىڭ جىل سايىنعى كونفەرەنتسياسىندا جاريالاندى. رەسمي كوزقاراس بويىنشا الەۋمەتتىك جەلىنىڭ جاڭا اتاۋى كومپانيانىڭ قازىرگى قىزمەتىنە تولىق سايكەس كەلەدى.
Facebook كەيىنگى كەزدەرى ادامداردىڭ جۇمىس ىستەپ، ويىن ويناپ، ءوزارا پىكىر الماسۋىنا مۇمكىندىك تۋدىراتىن ونلاين الەم قۇرۋ تۋرالى جوسپارلارىنان حاباردار ەتىپ كەلگەن بولاتىن. الەۋمەتتىك جەلىنىڭ اتاۋىنىڭ وزگەرۋىمەن بىرگە Facebook تىڭ ونىمدەرىنە قاتىستى سىني پىكىرلەر دە ايتىلماي قالمادى.
مىسالى كومپانيانىڭ بۇرىنعى قىزمەتشىلەرىنىڭ ءبىرى فرەنسيس حاۋگەن Facebook تىڭ جەلىنى قولدانۋشىلاردىڭ مۇددەسىنەن كورى پايدا تابۋعا بارىنشا كوڭىل ءبولىپ كەلگەندىگىن ايتقان.
ايتا كەتەيىك، 2015 -جىلى Google دە قۇرىلىمىن وزگەرتكەن بولاتىن. ول باستى كومپانيانىڭ اتاۋىن Alphabet دەپ وزگەرتتى. دەگەنمەن كومپانيانىڭ ونىمدەرى بۇرىنعى اتاۋلارىن ساقتاپ قالدى.
