Facebook توپتىق بەينەقوڭىراۋلارعا ارنالعان سەرۆيستى ىسكە قوستى
كومپانيا باسشىسى مارك تسۋكەربەرگ ءوزىنىڭ الەۋمەتتىك جەلىدەگى پاراقشاسىندا بۇكىل الەم بويىنشا قوسىمشانىڭ ىسكە قوسىلۋى كەلەسى اپتاعا بەلگىلەنگەنىن ءمالىم ەتتى، دەپ حابارلايدى قازاقپارات.
بۇل سەرۆيس كوروناۆيرۋس پاندەمياسىنا بايلانىستى بەينەقوڭىراۋلارعا سۇرانىستىڭ ارتۋىنا جاۋاپ رەتىندە قۇرىلدى. مۇنداي كونفەرەنتسيالاردى Facebook نەمەسە Messenger قوسىمشالارى ارقىلى جاساۋعا بولادى.
«ءسىز جەكە «بولمە» (Room) جاساي الاسىز جانە سىلتەمە ارقىلى بىرنەشە دوسىڭىزدى شاقىرا الاسىز نەمەسە ءوز توبىڭىزدىڭ بىرەۋىنە ءسىز جوسپارلاپ وتىرعان شاراعا ارنالعان «بولمە» جاساي الاسىز. بۇدان بولەك، بارلىق دوستارىڭىز ءۇشىن جاڭالىق تاسپاسىنىڭ جوعارعى جاعىندا بولمە جاساپ، كىمنىڭ كىرگەنىن كورە الاسىز»، - دەپ جازدى تسۋكەربەرگ.
Messenger Rooms سەرۆيسىندە ۋاقىتقا شەكتەۋ جوق، «بولمەگە» 50 ادامعا دەيىن تىركەۋگە بولادى. جاقىن ارادا توپتىق قوڭىراۋلار تسۋكەربەرگ كومپانياسىنا تيەسىلى «WhatsApp» جانە «ينستاگرام» الەۋمەتتىك جەلىلەرىندە دە قولجەتىمدى بولادى.
