الەم بويىنشا Facebook, Instagram جانە WhatsApp جەلىلەرى ىستەمەي قالدى

نۇر- سۇلتان. قازاقپارات - الەم بويىنشا Facebook, Instagram جانە WhatsApp جەلىلەرىنىڭ جۇمىسىندا اقاۋ پايدا بولدى، دەپ حابارلايدى قازاقپارات ءتىلشىسى.

Downdetector- دىڭ جازۋىنشا، Facebook, Instagram جانە WhatsApp جەلىلەرى ا ق ش، ۇلى بريتانيا، يتاليا، كانادا، فرانسيا گەرمانيا سياقتى ەلدەردە جۇمىس ىستەمەي قالعان. قازاقستاندىقتار دا اتالمىش الەۋمەتتىك جەلىلەردى پايدالانا الماي جاتقانى تۋرالى Telegram-كانالداردا جازىپ جاتىر.

«كەيبىر پايدالانۋشىلار ءبىزدىڭ قوسىمشالارىمىز بەن ونىمدەرىمىزگە قول جەتكىزۋدە قيىندىقتارعا تاپ بولاتىنىن بىلەمىز. ءبىز ءبارىن تەزىرەك تۇزەتۋ ءۇشىن جۇمىس ىستەپ جاتىرمىز جانە قولايسىزدىقتار ءۇشىن كەشىرىم سۇرايمىز»، - دەلىنگەن Facebook- ءتىڭ Twitter- دەگى پاراقشاسىندا.

وسىعان ۇقساس مالىمدەمە WhatsApp جانە Instagram بەتتەرىندە جاريالاندى. اتالمىش ءۇش الەۋمەتتىك جەلى امەريكالىق Facebook كومپانياسىنا تيەسىلى.