شينجاڭدا الەمدەگى ەڭ ۇزىن تۋننەل سالىندى
استانا. KAZINFORM - دۇيسەنبى كۇنى تاڭەرتەڭ شينجاڭ- ۇيعىر اۆتونوميالىق اۋدانىندا (ش ۇ ا ا، سولتۇستىك- باتىس قىتاي) «تيانشان شىڭلي» تۋننەلىنىڭ قۇرىلىسى اياقتالدى، دەپ حابارلايدى Kaziform شينحۋا اقپارات اگەنتتىگىنە سىلتەمە جاساپ.
قار باسقان تاۋلاردى جارىپ وتەتىن جاڭا تۋننەل الەمدەگى ەڭ ۇزىن جوعارى جىلدامدىقتى اۆتوجول تۋننەلى جانە قىتايدىڭ ينفراقۇرىلىمدىق دامۋىنداعى ماڭىزدى كەزەڭ بولىپ سانالادى.
بۇل - ش ۇ ا ا- نىڭ وڭتۇستىك جانە سولتۇستىك بولىكتەرىن بايلانىستىراتىن ەڭ قىسقا جاڭا جولدىڭ اشىلۋىنا جاسالعان ەلەۋلى قادام.
قىتاي تىلىنەن اۋدارعاندا اتاۋى «جەڭىس» دەگەن ماعىنانى بىلدىرەتىن 22,13 شاقىرىمدىق تۋننەل ىسكە قوسىلعاننان كەيىن تيانشان تاۋىنىڭ ورتا ۋچاسكەسىندە ءجۇرۋ ۋاقىتىن بىرنەشە ساعاتتان شامامەن 20 مينۋتقا دەيىن قىسقارتادى.
بۇل شينجاڭنىڭ سولتۇستىگىندەگى ءۇرىمجى ايماقتىق ورتالىعىنان وڭتۇستىك ايماقتاعى يۋيلي ۋەزىنە(لوپنۇر اۋدانى - رەد.) دەيىن سوزىلاتىن ءۇرىمجى- يۋيلي جوعارى جىلدامدىقتى جولىنىڭ نەگىزگى جوباسى. ول تولىقتاي سالىنىپ، 2025 -جىلى پايدالانۋعا بەرىلەدى دەپ جوسپارلانىپ وتىر. ەكى باعىت اراسىندا اۆتوكولىكپەن ءجۇرۋ ۋاقىتى شامامەن جەتى ساعاتتان ءۇش ساعاتتان استامعا قىسقارادى.
اۆتور
زارينا تۋعانبايەۆا
