شينجاڭدا 5,0 بالدىق جەر سىلكىنىسى بولدى
بەيجىڭ. KAZINFORM - شينجاڭ- ۇيعىر اۆتونوميالىق اۋدانى (قىتايدىڭ سولتۇستىك- باتىسى) اقسۋ ۋەزىندەگى كۋچا قالاسىندا ماگنيتۋداسى 5,0 بالدىق جەر سىلكىنىسى بولدى.

قىتاي سەيسمولوگيالىق جەلىلەرى ورتالىعىنىڭ حابارلاماسىنا سايكەس، جەر سىلكىنىسى سارسەنبى كۇنى بەيجىڭ ۋاقىتىمەن ساعات 07:42-دە تىركەلگەن.
قىتاي ورتالىق تەلەارناسىنىڭ حابارلاۋىنشا، زارداپ شەككەندەر مەن قيراۋلار تۋرالى مالىمەت جوق. وقيعا ورنىنا ىزدەۋ- قۇتقارۋ توپتارى شىقتى.
شينجاڭنىڭ وسى ايماعىنداعى تىرشىلىكتى قامتاماسىز ەتۋ نىساندارى شتاتتىق رەجيمدە جۇمىس ىستەپ جاتىر.
حابارلاماعا سايكەس، جەر سىلكىنىسى ەپيسەنترىنىڭ باعىتى 41,23 سولتۇستىك ەندىكتە، 83,74 گرادۋس شىعىس بويلىقتا ورنالاسقان.
تەرەڭدىگى - 10 شاقىرىم.
بۇعان دەيىن كۇشتى جەر سىلكىنىسى قاۋپىنە بايلانىستى تۇرعىندار مەن تۋريستەر ءسانتورينيدى تاستاپ كەتكەنىن جازعانبىز.