شىمكەنتتىك تۇرعىن ۆيرتۋالدى نومىرلەردى پايدالانىپ الاياقتىقپەن اينالىسقان

شىمكەنت. KAZINFORM - قىلمىستىق سحەما توقتاتىلدى.

ەكى جالدامالى پاتەردى تەكسەرۋ بارىسىندا 32-ارنالى ەكى SIM-box قۇرىلعىسى مەن وزگە دە جابدىقتار تابىلىپ، تاركىلەندى. زاڭسىز سحەمانىڭ ۇزدىكسىز جۇمىسىن قامتاماسىز ەتكەن كۇدىكتى ۇستالدى. قاسكوي مەسسەندجەر ارقىلى العان نۇسقاۋلارعا سايكەس ارەكەت ەتكەن.

پوليتسيا مۇنداي قۇرىلعىلاردى زاڭسىز پايدالانۋ قىلمىستىق جاۋاپكەرشىلىككە اكەپ سوعاتىنىن ەسكە سالادى.

- پروكۋراتۋرانىڭ ۇيلەستىرۋىمەن جانە ۇقكد- مەن بىرلەسىپ، «قازاق تەلەكوم» ا ق-مەن مەموراندۋم شەڭبەرىندە جۇرگىزىلگەن جەدەل ءىس-شارالاردىڭ ناتيجەسىندە SIM-box پايدالانۋ ارقىلى جاسالعان زاڭسىز ارەكەتتەر انىقتالىپ، جولى كەسىلدى. ۆيرتۋالدى ابونەنتتىك نومىرلەردى تىركەۋگە ارنالعان قۇرىلعى ارقىلى ەل اۋماعىندا الاياقتىق جايتتارى جۇزەگە اسىرىلعان، - دەلىنگەن شىمكەنت قالاسى پوليتسيا دەپارتامەنتىنىڭ باسپا ءسوز قىزمەتى ۇسىنعان اقپاراتتا.

ايتا كەتەيىك، بۇدان بۇرىن شىمكەنتتە SOS باتىرمالارى كوبەيگەنىن جازعان بولاتىنبىز.

اۆتور

قايرات زاينيشەۆ