شىمكەنتتىك تۇرعىن باۋىرىنا باۋىرىن بەردى
شىمكەنتتە كەزەكتى بۇيرەك ترانسپلانتاتسياسى ءساتتى ءوتتى، دەپ حابارلايدى قازاقپارات ءتىلشىسى.

N1 قالالىق كلينيكالىق اۋرۋحانا بازاسىندا وتكەن اعزا الماستىرۋ وتاسىن دارىگەرلەر ەكى كەزەڭمەن جاسادى. بىلىكتى دارىگەرلەر كومانداسى دونوردان بۇيرەك الىپ، كەيىن اعزانى رەتسەپيەنتكە حيرۋرگيالىق جولمەن سالىپ بەردى.
رەتسەپيەنت 2001-جىلعى، سىرقاتىنا بايلانىستى 6 جىلدان بەرى گەمودياليز اپپاراتىنا تاۋەلدى بولعان. ناۋقاسقا 1996 -جىلعى تۋعان اعاسى بۇيرەگىن بەردى. وپەراتسيا ءساتتى ءوتتى. ەكى پاتسيەنتتىڭ وتادان كەيىنگى جاعدايى جاقسى.
«دارىگەرلەر اعزاسىن بەرگەن ازاماتتى اۋرۋحانادان ۇيىنە شىعاردى. مۇنداي وتا بۇيرەك جەتىسپەۋشىلىگىمەن ەسەپتە تۇراتىن ناۋقاستاردىڭ ساۋىعىپ كەتۋىنە زور مۇمكىندىك بەرەدى»- دەلىنگەن شىمكەنت قالاسى دەنساۋلىق ساقتاۋ باسقارماسىنىڭ باسپا ءسوز قىزمەتى تاراتقان اقپاراتتا.