شىمكەنتتىك ەمشى اسىراپ العان ەگىز ەلورداعا قايتارىلادى

استانا. KAZINFORM - شىمكەنت تۇرعىنى قامقورلىعىنا العان 6 بالانىڭ اراسىندا ەگىز دە بار. ۇل مەن قىز 2021 -جىلدىڭ 26-مامىردا ەلوردادا دۇنيەگە كەلگەن.

Шымкенттегі асыранды 6 бала тағдыры
Фото: Kazinform

ەمشى ولاردى ءۇش ايلىق كەزدەرىندە باۋىرىنا باسقان. قامقورلىققا بەرىلگەن ەگىز ءسابيدىڭ تاعدىرىنا قاتىستى ءىستىڭ ءمان- جايىن استانا قالالىق ءبىلىم باسقارماسىنان سۇراپ بىلدىك.

«بالا اسىراپ الۋعا، قورعانشىلىققا نەمەسە پاتروناتتىق تاربيەگە الۋعا نيەت بىلدىرگەن ازاماتتاردى ەسەپكە الۋدى ۇمىتكەردىڭ تۇرعىلىقتى جەرى بويىنشا ءبىلىم باسقارمالارى جۇرگىزەدى. ازامات (شىمكەنتتىك ەمشى - رەد.) 2021 -جىلعى 9-ساۋىردەن باستاپ شىمكەنت قالاسىنىڭ قورعانشىلىق جانە قامقورشىلىق ورگاندارىندا بالا اسىراپ الۋعا (قورعانشىلىققا) ۇمىتكەر رەتىندە ەسەپتە تۇر. قورعانشىلىققا ۇمىتكەر بولۋ مۇمكىندىگى تۋرالى وڭ قورىتىندى العاننان كەيىن، ول ازامات شىمكەنت قالاسى قورعانشىلىق جانە قامقورشىلىق ورگانىمەن جەتىم بالالاردىڭ رەسپۋبليكالىق دەرەكتەر بانكىندە تىركەلدى. وسىدان كەيىن دەرەكتەر بانكىندەگى بالالار تۋرالى اقپاراتقا قول جەتكىزدى»، - دەيدى استانا قالالىق ءبىلىم باسقارماسى باسشىسىنىڭ ورىنباسارى سەرىك ادىلبايەۆ.

بالالاردى قورعانشىلىققا بەرۋ ءراسىمى ق ر ءبىلىم جانە عىلىم ءمينيسترىنىڭ 2020 -جىلعى 24-ساۋىردەگى №158 بۇيرىعىمەن بەكىتىلگەن «جەتىم بالاعا (بالالارعا) جانە اتا- اناسىنىڭ قامقورلىعىنسىز قالعان بالاعا (بالالارعا) قامقورشىلىق نەمەسە قورعانشىلىق بەلگىلەۋ» مەملەكەتتىك قىزمەت كورسەتۋ قاعيدالارىنا سايكەس جۇرگىزىلگەن. وسىلايشا، شىمكەنت تۇرعىنى قاجەتتى بارلىق قۇجاتتى ۇسىنا وتىرىپ، استانا قالاسى ءبىلىم باسقارماسىنىڭ 2021 -جىلعى 18-تامىزداعى №436 بۇيرىعى نەگىزىندە 2021 -جىلعى 26-مامىردا تۋعان ەگىز ءسابيدى قامقورىنا العان.

«بالالار استانادان ەسەپتەن شىققاننان كەيىن، استانا قالاسىنىڭ ءبىلىم باسقارماسى 2021 -جىلعى 19-تامىزدا شىمكەنت قالاسىنا بالالاردى ەسەپكە قويىپ، ودان ءارى باقىلاۋدى جۇزەگە اسىرۋ ماقساتىندا، اقپاراتتىق حات جولدادى»، - دەيدى سەرىك ادىلبايەۆ.

بۇعان دەيىن جازعانىمىزداي، ارنايى كوميسسيا اكت تولتىرىپ، «وگەي اكە تاراپىنان جاۋىزدىق كوردى دەلىنگەن» بالالاردى 13-اقپاندا بۇل وتباسىنان الىپ كەتكەن. قازىر ەكەۋى كامەلەتكە تولماعانداردى بەيىمدەۋ ورتالىعىندا، قالعان تورتەۋى بوبەكتەر ۇيىندە.

«شىمكەنت قالاسى ءبىلىم باسقارماسىنىڭ حاتىنا سايكەس، قازىر ەكى كامەلەتكە تولماعان بالا (استانادان كەتكەن ەگىز بالا - رەد.) شىمكەنت قالاسىنىڭ بالالار ۇيىندە. قورعانشىعا قاتىستى سوت اكتىسى شىعارىلعاننان كەيىن، بالالار استانا قالاسىنا قايتارىلادى جانە ولار بالالار ۇيىنە ورنالاستىرىلادى»، - دەيدى باسقارما باسشىسىنىڭ ورىنباسارى.

ەسكە سالساق، شىمكەنتتىك ەمشى اسىراپ العان 6 بالاسىن قورلاپ، ازاپتادى دەگەن كۇدىكپەن قاماۋدا وتىرعانى تۋرالى حابارلاعان ەدىك. ول اسىراپ العان بالالارىنا يت پەن مىسىقتىڭ ەتىن جەگىزدى دەگەن دەرەك شىقتى.

وسى وقيعاعا بايلانىستى ءبىلىم سالاسىنىڭ ءبىرقاتار قىزمەتكەرى جازالاندى. سونىمەن قاتار قالالىق دەنساۋلىق ساقتاۋ باسقارماسىنداعىلار بالالاردىڭ قازىرگى جاعدايى تۋرالى ايتىپ بەردى.

سونداي- اق بالالاردىڭ ەلدىڭ بىرنەشە قالاسىنان اسىراپ الىنعانى بەلگىلى بولدى.

بالالاردىڭ ءبىرىنىڭ اجەسى وسكەمەندە تۇرادى. Kazinform ءتىلشىسى 65 جاستاعى ناتاليا ۋستينوۆامەن جولىعىپ، جيەن نەمەرەسىنىڭ اسىراۋعا قالاي بەرىلگەنىن سۇراپ كوردى.

ال شىمكەنتتەگى بالالار ءۇيىنىڭ باسشىسى ەمشىدەن قورلىق كورگەن وقۋشى تۋرالى ايتىپ بەردى.

بىرەر كۇن بۇرىن وسى بالالارعا قامقورلىق ەمەس، قورلىق كورسەتتى دەپ ايىپتالىپ جاتقان ەمشىنىڭ ءىسىن قارايتىن سۋديا بەلگىلى بولدى.

سوڭعى جاڭالىقتار