شىمكەنتتىك شەنەۋنىكتى جيىن ۇستىندە ۇستاپ اكەتۋ اكىمنىڭ يدەياسى بولاتىن - انتيكور
استانا. KAZINFORM - سىبايلاس جەمقورلىققا قارسى ءىس- قيمىل اگەنتتىگى پريەۆەنتسيا قىزمەتىنىڭ باسشىسى سايان احمەتجانوۆ شىمكەنتتىك شەنەۋنىكتىڭ اكىمدىك جيىنىندا تۇتقىندالۋى تۋرالى پىكىر ءبىلدىردى.
«شىمكەنت اكىمى قاتىسىپ وتىرعان جيىن ۇستىنەن تاراعان كورىنىستى قازاقستاندىقتار قىزۋ تالقىلاپ جاتىر. سىبايلاس جەمقورلىققا قارسى قىزمەت سپەكتاكلگە اينالىپ بارادى دەپ ويلامايسىز با؟» دەپ سۇرادى جۋرناليست.
اگەنتتىك وكىلى بۇل وقيعا ۆەدومستۆودا قارالعانىن ايتتى.
«اتالعان وقيعانى قارادىق. سىبايلاس جەمقورلىققا قارسى قىزمەت بۇكىل جەردە اشىق جۇمىس ىستەپ كەلەدى. تەرگەۋ ورگاندارى جىبەرەتىن شاقىرۋدىڭ كەز كەلگەنى ماقۇلداۋ ارقىلى ىسكە اسادى. وسى تۇرعىدان الساق، اۋماقتىق ورگانىمىز بۇل جاعدايدى جەرگىلىكتى اتقارۋشى ورگاننىڭ باسشىسى - اكىممەن بىرلەسىپ ماقۇلدانعان. بۇل قالا اكىمىنىڭ باستاماسى بولسا كەرەك»، - دەدى سايان احمەتجانوۆ.
ەسكە سالساق، الەۋمەتتىك جەلىدە شىمكەنت قالاسىنىڭ اكىمى جيىن ۇستىندە قولاستىنداعى شەنەۋنىكتى سىبايلاس جەمقورلىققا قارسى قىزمەت وكىلدەرىنە ۇستاتىپ جىبەرگەنى تۋرالى ۆيدەو تاراعان بولاتىن.
باسقارما باستىعى سەيسميكالىق قاۋىپسىزدىككە بولىنگەن 120 ميلليون تەڭگەنى جىمقىردى دەپ ايىپتالىپ وتىر.
