شىمكەنتتىك انا بالاسىنا ءبىر بۇيرەگىن بەردى

شىمكەنت. KAZINFORM - قالادا 231-بۇيرەك ترانسپلانتاتسياسى ءساتتى ءوتتى. 

1-كلينيكالىق اۋرۋحانا بازاسىندا وتكەن وپەراتسيادا 41 جاستاعى كەلىنشەك 21 جاستاعى ۇلىنا ءبىر بۇيرەگىن بەردى. وپەراتسيا ءساتتى ءوتىپ، دونور مەن رەتسەپيەنت پالاتاعا اۋىستىرىلدى.

ەكەۋىنىڭ دە جاعدايى جاقسى، دەنساۋلىقتارىندا اقاۋ جوق.

- بۇيرەگى الماستىرىلعان رەتسەپيەنت 7 جىلدان بەرى سوزىلمالى بۇيرەك جەتىسپەۋشىلىگىمەن اۋىرىپ كەلگەن. سوڭعى 1,5 جىلدا گەمودياليز اپپاراتىنا تاۋەلدى بولعان. جىگىت از ۋاقىتتا قالىپتى ومىرىنە قايتا ورالادى، - دەيدى دارىگەرلەر.

ايتا كەتەيىك، بۇگىنگە دەيىن 1-قالالىق كلينيكالىق اۋرۋحاناسىندا 231 بۇيرەك جانە 32 باۋىر ترانسپلانتاتسياسى جاسالدى.

اۆتور

قايرات زاينيشەۆ