شىمكەنتتەگى حالىققا قىزمەت كورسەتۋ ورتالىعىنا ۇ ق ك ءتىنتۋ جۇرگىزدى

  شىمكەنتتەگى حالىققا قىزمەت كورسەتۋ ورتالىعىنا ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرى ءتىنتۋ جۇرگىزدى، دەپ حابارلايدى قازاقپارات ءتىلشىسى.

الەۋمەتتىك جەلىدە حالىققا قىزمەت كورسەتۋ ورتالىعىندا قولىندا قارۋى بار اسكەري ادامداردىڭ جۇرگەنى جايىندا ۆيدەو جاريالاندى. وندا ارنايى كولىكپەن كەلگەن قارۋلى توپ ەسىكتى سىندىرىپ اشىپ، بولمەلەرگە ءتىنتۋ جۇرگىزگەنىن كورۋگە بولادى.

اتالعان ۆيدەوعا قاتىستى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق شىمكەنت قالالىق فيليالىنىڭ باسپا ءسوز قىزمەتى رەسمي تۇردە جاۋاپ بەردى.

ونىڭ ايتۋىنشا، وقيعا بيىلعى جىلدىڭ 1- قىركۇيەگىندە بولعان.

«ق ر ۇلتتىق قاۋىپسىزدىك كوميتەتى دەپارتامەنتىنىڭ (ۇ ق ك د) قىزمەتكەرلەرى شىمكەنت قالاسى بويىنشا مەملەكەتتىك كورپوراتسيانىڭ فيليالىندا ءتىنتۋ جۇرگىزگەنىن حابارلايدى. ءتىنتۋ بارىسىندا جەر ۋچاسكەلەرىنىڭ شەكارالارىن زاڭسىز اۋىستىرۋ بويىنشا سوتقا دەيىنگى تەرگەۋ جۇرگىزۋ شەڭبەرىندە ءبىرقاتار جەر- كاداسترلىق ىستەر تاركىلەندى.

ايتا كەتەيىك، بۇگىنگى تاڭدا ۇ ق ك د- دان جوعارىدا اتالعان ءىس- شارالار بويىنشا مەملەكەتتىك كورپوراتسيا اتىنا تۇسىنىكتەمە بەرىلمەگەن.

وسىعان بايلانىستى، تولىق اقپارات الۋ ءۇشىن جوعارىدا اتالعان مەملەكەتتىك ورگاندارعا جۇگىنۋ قاجەت ەكەنىن حابارلايمىز» - دەلىنگەن اقپاراتتا.