شىمكەنتتەگى الپامىس باتىر ەسكەرتكىشى كوشىرىلدى
شىمكەنت. KAZINFORM - بۇگىنگى تاڭدا الپامىس باتىر ەسكەرتكىشىنىڭ ورنىن اۋىستىرۋ جۇمىستارى دەمەۋشىلەر تاراپىنان جۇرگىزىلىپ جاتىر. بۇل تۋرالى شىمكەنت قالاسى مادەنيەت باسقارماسىنىڭ باسپا ءسوز قىزمەتى مالىمدەدى.
الپامىس باتىر ەسكەركىشىنىڭ ورنىن اۋىستىرۋ جونىندەگى ۇسىنىس شىمكەنت قالاسىنىڭ ارداگەرلەر كەڭەسىنەن تۇسكەن.
سودان زاڭناما تالاپتارىنا سايكەس ق ر مادەنيەت جانە اقپارات مينيسترلىگى جانىنان قۇرىلعان ارنايى كوميسسيا ۇسىنىستى قاراپ، ەسكەرتكىشتىڭ ورنىن اۋىستىرۋعا كەلىسىم بەرگەن.
«اۋىستىرىلۋى جوسپارلانعان ەسكەرتكىشتى ورنالاستىرۋ بويىنشا سيتۋاتسيالىق ەسكيزدىك جوباسى دايىندالىپ، بەلگىلەنگەن ورىنداردىڭ مەنشىك يەسى مەن كوورديناتسياسى انىقتالدى. بۇگىنگى تاڭدا اتالعان ەسكەرتكىشتىڭ ورنىن اۋىستىرۋ جۇمىستارى دەمەۋشىلەر تاراپىنان جۇرگىزىلىپ جاتىر. ەسكەرتكىش شىمكەنت-تاشكەنت اۆتوجولىنىڭ بويىنداعى كىلت ساۋلەتتىك ەسكيزىنىڭ جانىنا ورناتىلادى»، - دەلىنگەن باسقارما تاراپىنان ۇسىنىلعان اقپاراتتا.
بۇل جۇمىستار جىلدىڭ سوڭىنا دەيىن اياقتالادى دەپ جوسپارلانۋدا.
بۇعان دەيىن شىمكەنتتە جەكەمەنشىكتەگى كەيبىر الەۋمەتتىك نىساندار مەملەكەتكە قايتارىلىپ جاتقانى حابارلاندى.
سونداي-اق، شىمكەنتتە جىل سوڭىنا دەيىن 1270 ادامعا پاتەر بەرىلەتىنى بەلگىلى بولدى.
