شىمكەنتتەن قىز الىپ قاشقان ماڭعىستاۋلىق 4 جىلعا سوتتالدى

شىمكەنت. KAZINFROM - شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىندا ق ك 125-بابى 1-بولىگىمەن ايىپتالۋشىعا قاتىستى قىلمىستىق ءىس قارالدى.

سوتتالۋشى الەۋمەتتىك جەلى ارقىلى جابىرلەنۋشىمەن تانىسقان. سودان جاڭاوزەن قالاسىنان كەلىپ، ۇيلەنۋ ماقساتىندا قىزدى الىپ قاشقان.

جابىرلەنۋشىنىڭ جاۋاپتارىمەن، وقيعا ورنىن قاراپ تەكسەرۋ حاتتاماسىمەن جانە الىنعان بەينەجازبامەن، سوتتالۋشىنىڭ كىناسىن مويىنداۋ جاۋاپتارىمەن جانە باسقا دا ءىس بويىنشا جيناقتالعان دالەلدەمەلەردىڭ جيىنتىعىمەن سوتتالۋشىنىڭ كىناسى تولىق دالەلدەندى.

سوت ۇكىمىمەن ق ك- ءنىڭ 125-بابى 1-بولىگى بويىنشا كىنالى دەپ تانىلعان وعان 4 جىلعا باس بوستاندىعىنان ايىرۋ جازاسى تاعايىندالدى.

«ق ك- ءنىڭ 63-بابىن قولدانا وتىرىپ، جازا شارتتى دەپ بەلگىلەندى. جازا تاعايىنداۋ كەزىندە سوت اۋىرلاتاتىن ءمان-جايلاردىڭ بولماۋىن، جەڭىلدەتەتىن ءمان-جايلاردى ەسكەرىپ، ونىڭ كىناسىن تولىق مويىنداۋىن، جەكە باسىن، بۇرىن سوتتى بولماعانىن جانە جابىرلەنۋشىنىڭ سوتتالۋشىعا باس بوستاندىعىنان ايىرمايتىن جازا تاعايىنداۋدى سۇراعان پىكىرىن ەسكەردى. ۇكىم زاڭدى كۇشىنە ەنگەن جوق» - دەلىنگەن شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىنىڭ باسپا ءسوز قىزمەتى ۇسىنعان اقپاراتتا.

ايتا كەتەيىك، بۇعان دەيىن ماڭعىستاۋلىق جىگىتتىڭ شىمكەنتتە قىز الىپ قاشقان ءساتى ۆيدەوعا ءتۇسىپ قالعانىن جازعان بولاتىنبىز.