شىمكەنتتە پوليسيا قىزمەتكەرى موپەد جۇرگىزۋشىسىنە تاس لاقتىرعان

شىمكەنت. KAZINFORM - وقيعا تۇران شاعىن اۋدانىندا بولدى. موپەد جۇرگىزۋشىسىن قۋعان ءتارتىپ ساقشىسىنىڭ ارەكەتى بەينەجازباعا ءتۇسىپ قالعان.

اتالعان ۆيدەو الەۋمەتتىك جەلىدە تاراپ كەتتى. بەينە كادردا جاس جىگىتتىڭ پوليسيا قىزمەتكەرلەرىنىڭ توقتاۋ تالابىنا باعىنباي، جاياۋ جۇرگىنشىلەر ايماعىمەن مانيەۆر جاساپ قاشىپ بارا جاتقانى كورىنەدى. پوليسەيلەر ونى جاياۋ قۋىپ جەتۋگە تىرىسقان. دەگەنمەن، پوليسەيدىڭ ءبىرى قۇقىق بۇزۋشىنى قۋىپ جەتە الماعان سوڭ، ونىڭ باعىتىندا تاس لاقتىرعان. بۇل ءسات قوعامدا كەڭ رەزونانس تۋدىردى. بەينەجازبا ءبىر ميلليوننان استام قارالىم جينادى.
وقيعاعا بايلانىستى شىمكەنت قالالىق پوليسيا دەپارتامەنتىنىڭ باسپا ءسوز قىزمەتى پىكىر ءبىلدىردى.

- موپەد جۇرگىزۋشىسى جول قوزعالىسى ەرەجەلەرىن بۇزىپ، پوليسەيدىڭ زاڭدى تالابىنا باعىنباي، جاسىرىنۋعا تىرىسقان. ول جول قوزعالىسىنا قاتىسۋشىلاردىڭ قاۋىپسىزدىگىنە قاتەر ءتوندىردى. اتالعان ازامات ۇستالىپ، جاۋاپكەرشىلىككە تارتىلدى. ال پوليسيا قىزمەتكەرىنىڭ ارەكەتى بەلگىلەنگەن ادەپ نورمالارىنا ساي كەلمەيدى. وسىعان بايلانىستى ونىڭ ۇستىنەن قىزمەتتىك تەرگەۋ تاعايىندالدى، - دەلىنگەن اقپاراتتا.